《我嘅中學生涯竟然係同兩個女仔探討夢想》: CHAPTER「29」
夢想就像一幅畫。
有時可以很模糊，
有時可以很清晰。
我不知道現在的路是否正確，
不過，至少我仍堅持著。
「仔，醒拿？」媽媽站在床邊慈祥地看著我。
我慢慢坐起來。
「入左黎嘅？」我問媽媽。
「冇呀！琴晚見你個衰仔眼濕濕咁返屋企，問你咩事又唔出聲！嚇死你呀媽我喇，不過見你沖完涼識自己搵野食，今朝入黎見你訓得好舒服，就知你冇事。」媽媽臉上還是帶點擔憂。
「哦...我冇事嘅，放心啦。」我嘴角微微向上翹。
「冇事就好！擔心死我。」媽媽說罷便走出房間。
比賽，若有輸也就有嬴。
還是要繼續上學，繼續生活。
「下年再黎過。」我看著窗外的風景，心中再次燃起信心。
我穿起皮鞋之後便出門上學。
「你問我會唔會唔開心？」
「實會架。」
「會唔會失望？」
「邊個鍾意輸架。」
「不過。」
「人就係咁化學架啦！」
「唔會次次都咁順利。」
是嗎？
我踏入課室，眾人仍是興高采烈地交頭接耳著，世界仍然正常地運作。
生活並不會因為一點小事而改變，
或者，每一件小事積累下來，才改變你的生活。
「早晨。」白頭佬輕輕拍了我一下。
「喔，早晨呀。」我放下書包，坐在椅子上托著頭。
飛機和肥熊在此時也回到課室，有點尷尬地坐下。
「對唔住呀言仔。」
「SORRY呀言哥。」
飛機和肥熊在過了片刻之後同時向我道歉。
他們內疚的表情讓我忍不住笑了起來。
「噗哧。」
「呃......」他們呆視彼此，似乎看不透我這個反應。
「傻啦，我都冇怪你地。」我哄前搭著他們的肩膀。
「輸波每人都有責任，唔係你地嘅錯。」
「況且！你地都唔想架嘛！」不知為何我竟有點想哭。
他們此時輕輕抬頭，凝視著我。
「真係......唔嬲我地？」飛機問。
我搖搖頭。
「喂，你地做咩，三個麻甩佬唔係喊呀嘛。」白頭佬看著我們三個。
「再接再勵啦。」白頭佬輕輕地說。
「係...仲有好長嘅路要行，仲有好多比賽要踢。」肥熊感性地說。
「今次輸姐！下次嬴返佢！」飛機也拍了一下桌子說。
「因為，我地四個。」
「係華嶺四天王。」
放學後，我收拾好書包便走出課室，此時看到曉兒正站在班房門外。
「言仔...」她緊握雙手，好像很焦急的樣子。
「曉兒，搵我有事？」
「你...冇野嘛？」曉兒臉上露出擔心的表情。
「傻啦我冇野喎。」
我輕輕撫摸著曉兒的秀髮，不知道是哪來的勇氣令我作出這個舉動，只是希望曉兒不會把我當成怪叔叔便好了。
「咁..咁就好喇..你嗰日咩都冇講就走左...嚇死我喇...」
「傻女黎。」我輕輕抱著她。
因為，我不想讓眼著這個女生感到害怕。
「返去啦！」我輕輕放開雙手。
然後，沿途曉兒一直重複著一句話。
「你真係冇事？」
「你冇事嘛........」
「你唔好諗埋一邊呀....」
結果，我只好一直搖頭。
看到這個女孩為我擔心的樣子，突然覺得很有安全感。
「你到喇。」我指著曉兒的住所門外。
「你...你自己小心啲呀！」曉兒仍喋喋不休。
「唔好做傻事...知唔知。」說著說著她低下頭來。
都說我已經沒事了，哈哈。
還在擔心著，真的很可愛。
「我已經冇事喇，放心。」
「只要我唔放棄，嗰一日總會黎到，係咪？」我抬頭看著天空。
「所以，你都係，唔好放棄。」我搭著曉兒的肩膀。
我像個大哥哥般反過來安慰著曉兒。
她抬起頭來看著我。
「嗯！」
此刻世界，仿佛靜止著。
直到晚上，雖然仍間中想起零碎的比賽片段，但是我知道不可以這樣子。
要繼續努力才能夠走得更遠。
「終於打到機喇！」肥熊在SKYPE激動地說。
「係呀屌，我地成十世冇玩過LOL喇......」飛機好像很無奈。
「今日做曬功課，同大家癲下。」白頭佬也有參與。
「OK！GOGOGO！」
我們在漫長的夜晚玩起英雄聯盟來，自從開學之後都沒甚麼時間跟他們一起玩，今天終於重拾滑鼠，再次踏入召喚峽谷。
「屌！隻李星識唔識玩架，玩左十分鐘都未Gank過下路。」正使用著凱特琳的飛機在埋怨那名路人Jungle。
「喂言哥傳送過黎幫下手啦，就黎崩啦我地！」肥熊是Support，他十分擅長使用布里茨，經常配搭飛機一起走下路。
「一陣先啦...我仲未肥到呀...我隻雷玟比烏爾加特Counter到應一應。」
「An enemy has been slain。」
「Killing Spree！」奧莉安娜正在大殺特殺。
「嘩屌......洗唔洗咁勁呀白頭佬。」飛機說。
白頭佬可以稱得上是華嶺第一奧莉安娜，和他玩過這麼多場排位賽，基本上有九成時間對面的中路都被他打趴。
「Victory！」四十分鐘後，終於勝利。
「嘩屌...玩撚到我出手汗。」肥熊說。
「唔係隻李星廢嘅話，我地廿分鐘就打到對面投降。」飛機補充道。
「好彩白頭佬CARRY我地，唔係呢場嬴唔到。」我說。
很久沒有這麼開心了，放鬆一下也不錯。
凌晨一時半。
「訓喇我，聽日仲要返學。」玩了五六場後我有點累。
「好啦，咁遲啲再玩，我都OFF。」飛機也下線了。
「睇動漫先！」肥熊真是個夜貓。
「大家早抖。」白頭佬罕有地陪我們玩得這麼晚。
晚安。
踏入寒冷的十二月，清早時分的操場上眾人紛紛穿上黑色的毛衣，女生們也穿起深藍色的校裙，冬季校服雖然沒有夏季校服那麼好看，卻讓人感到溫暖。
「好凍呀......點解你好似一啲都唔凍咁......」我抱著自己顫抖地說。
「我入面著左件打底。」白頭佬在寒冷的天氣下仍面不改色。
「頂咁醒嘅你....」我竟然沒想過襯衣裡可以穿多一件衣服。
「希望校長唔好講咁耐，唔係凍死你，哈哈。」白頭佬笑道。
「喂，話時話你同允晴點呀。」
「呃...我地有電話聯絡嘅...」
「仲有呢？」我好奇地問。
「UM...出過街...」
「你覺得允晴對你點？」
「應該，都對我有少許好感。」
媽的，按照平時允晴看你的樣子，何止少許，簡直是龐大。
「你......冇表白架可？」我還有點擔心他。
「哈哈，冇，自從上次之後唔敢再輕易表白。」
嗯，看來白頭佬長大了。
「咁就好喇......」
「我早排睇左一單新聞......」校長正在分享他的偉論。
數秒後。
「有一個六十歲嘅婆婆.......」
校長你不要說一句又停頓一下好嗎？
五分鐘後。
幹，校長你能否把那冗長而且毫無意義的訓勉縮短，再說多五分鐘我怕自己會變成雪人。
「喂。」白頭佬轉過頭對我說。
「嗯？」
「咁你同曉兒又點。」
「................」
我慢慢哄前對著白頭佬的耳邊輕說。
「無可奉告！」
「好唔公平......」白頭佬鄙視了我一眼。
十分鐘後。
「啪啪啪啪啪！！！」眾人為校長的分享鼓掌。
「屌你老味終於講完，正仆街黎。」我輕聲地抱怨。
此時一名戴著眼鏡的高年級生剛好在我身邊經過。
「同學，班別學號。」
「..........................」
「比次機會呀Prefect姐姐。」
「唔好以為擺個懶係可憐嘅樣出黎我就會放過你！」
結果，當然我是被記名了，哈哈。
校園生活總是難忘，
一件小事也足以令你笑一整天。