《我嘅中學生涯竟然係同兩個女仔探討夢想》: CHAPTER「53」

「曉兒...」

臉上的眼淚，

將本來信上的淚印再次覆蓋。

我坐在地上，軟弱無力的抽泣著。

「點解，點解你要走。」





「我仲想唱陳奕迅比你聽...」

「我地仲有好多野未一齊經歷...」

「點解...點解你要一個人走左去......」

允晴站起來，嘆一嘆氣道。

「唉，兒表姐就係知你會咁。」





「所以先唔同你講。」

不行，我不可以讓曉兒離開。

我要去找她。

「喂！你去邊呀？」

「我去搵曉兒呀！」





允晴立刻拉住我。

「佢走左架喇！佢唔喺香港架喇！」

「你可唔可以醒下呀！？」

「.......」

為什麼，要離開我。

我再次坐在地上，靠著牆壁。

時間好像過得很慢。

不知道多久之後，允晴拍一拍我道。





「你點呀。」

「可以點。」

「我咩都做唔到。」

「連最後一句再見。」

「我都冇機會講，哈哈。」

腦袋一片空白，想不到曉兒會突然離開。

「你起身未呀...」允晴說。





「我陪你坐左兩個鐘喇...」

這時我才發現允晴在這裡等了這麼久。

「喔...對唔住。」

我把信封和球鞋放回盒子裡，然後慢慢站起來，臉上的淚痕早已乾涸。

仍然不相信眼前的一切是事實，如果我在做夢的話就好了，但我知道沒可能。

「係呢...你點解...會上黎。」我問允晴。

「因為兒表姐同姨姨過左美國之後，呢間屋會空置左，所以我間唔中會上黎幫佢打掃下。」允晴說。

「咁...曉兒有冇留低聯絡方法比你？」





允晴搖搖頭。

「連..連你都冇..？」我有點錯愕。

「嗯，因為姨姨唔想兒表姐再留戀香港嘅事，所以一早將佢個電話台取消左。」

「你打比佢係搵唔到佢。」允晴無奈地說。

怪不得之前打電話給曉兒會撥不通。

「佢...幾時比個鞋盒你？」我問允晴。

「三個星期前。」允晴說。





「我唔知幾時比你好，因為我好怕你睇到會崩潰，我有諗過叫家俊比你，但始終呢啲野，我覺得親自交去你手好啲，話曬都係兒表姐嘅心意黎。」

「咁...你有冇咩方法可以搵到佢？」

「唉，我都估到你會問，我淨係可以同你講，佢會讀一間叫Garrison Forest嘅高中。」允晴說。

「冇其他...？」我追問。

允晴搖搖頭。

「好啦....」我失望地轉身離開。

「喂。」允晴叫停了我。

「如果你真係有心嘅。」

「就飛過去碰下運氣啦。」