呼,終於都完喇。

由構思、落筆,到擺上黎,歷時兩個月。

幾多字,唔知了,言仔沒咩記性,哈哈。

當初有呢個故事嘅想法,係喺屋企。
有一日樓豬返到屋企,喺床下底搵到張相,
係當年中學嘅全級畢業相。
咁啱電腦播緊陳奕迅嘅粵語殘片,




而樓豬,唔小心流淚了,係爆喊嗰隻。
因為樓豬知道,我地都返唔到轉頭喇。
人大左,變得好世俗,冇左初初嘅純真。
樓豬決定落筆寫一個故事,希望呢個故事,
可以提醒樓豬勿忘初心。

試過打文打到唔記得食野,
試過打文打到三十個鐘冇訓,
試過打文打到冇靈感。





試過比人鬧,話我學咩人寫野,
試過失落,試過唔開心,試過動搖。
究竟我堅持係為左啲咩。

當初擺上黎,真係冇諗過會有人睇,
只係純粹想記錄一下。
出乎意料係由初初冇人睇,去到而加,
講故台熱門頭幾篇都係樓豬嘅文,
每日都有你地一班讀者陪住樓豬,
樓豬就知呢個故事冇白寫。





本來以為一個Post完,點知開左第二個。
跟住第三個、第四個、第五個。
去到今日嘅《完了吧 如無意外》
好多謝你地幫樓豬推Post。

可能呢個故事嘅結局未必受大家歡迎,
但樓豬都想將自己嘅想法寫曬出黎。
青春就係咁無奈,
有人會無啦啦闖入你嘅生命,
又會無啦啦消失左。
大家喺整個中學生涯互相交織,
互相影響,先成就今日嘅自己。

幸運地,唔係全真人真事,




但都有三分真,至於係邊部分,
就留比大家諗下。

最後最後
好多謝一直睇呢個故嘅讀者
樓豬愛你地