010101 的愛戀: 四

當你每一日都做同一件事的時候，那一件事就會慢慢養成習慣。

自認識了「芝麻糊」後，每當聽見ICQ 的「敲門聲」，我也會第一時間看看是不是「芝麻糊」上線。

只要是「芝麻糊」上線，我也會第一時間傳她一句「HI」。

然後就開始一天無聊的對話。

芝麻糊: 「喂喂，今日籃球校隊比賽唔見你?」



青城城主: 「我都唔係校隊~」

芝麻糊: 「你可以支持你d 朋友架麻! 謝子健佢地都有份」

青城城主: 「我知呀，但校隊我淨係同佢地幾個熟咋，咪唔去lo」

芝麻糊: 「咁你都可以試下選校隊呀! 」

青城城主: 「之後試下啦! 你去左睇呀? 」



芝麻糊: 「係呀。唔係點知你無去呀」

青城城主: 「你會打波架咩?」

芝麻糊: 「唔係呀」

青城城主: 「即係去睇靚仔啦」

芝麻糊: 「拿! 我係陪你個舊愛去睇靚仔咋!」



青城城主: 「又舊愛...」

芝麻糊: 「見係你咋! 話俾你知你舊愛鐘意男仔打籃球架! 你快d 練下入校隊啦」

青城城主: 「多謝哂糊姐既建議wo! 」

-------------------------------------------

中二的下學期開始了，一次調位令這個故事令我的人生起了變化。

至從中一張靜怡坐過我鄰座後，之後坐我鄰座不是男生就是一些很文靜的女生。

兩個文靜的人坐在一起就變成....好很靜。

這一次調位，是一個叫「岑沛冰」的女生坐在我身邊。



岑沛冰其實中一已經跟我同班，不過我跟班上的女生不太熟，我只是大約知道她是一個很愛說話的女生。

她一坐下來，就...

岑沛冰:「喂! 你係咪暗戀張靜怡呀!」

全世界都知道的，還算是暗戀嗎...?

我: 「唔係啦...你聽咩人講架...」

岑沛冰: 「哈哈哈! 你唔使怕醜到面紅，我都係講笑問下咋!」

我: 「係咩...」



我是一個不太喜歡跟不熟悉的人打交道的人，只有跟朋友才能談天說地。

面對其他人我只會默不作聲。

這個女孩總喜歡強迫我跟她聊天。

岑沛冰: 「喂! 借份數學功課黎抄!」

我: 「下...」

我還未「下」完，我的功課就被搶去了。

岑沛冰: 「上堂好悶呀，我地玩天下太平啦」

我: 「下...」



我還未來得及反應，她已經在紙上玩起天下太平。

她不停強迫我開口跟她說話，慢慢我們開始可以自然地聊天起來，不再像是她強迫我似的。

有一天小息的時候，當我知道她原來跟A班的女生很熟稔時...

我: 「咁你知唔知邊個係芝麻糊呀?」

岑沛冰: 「咪係佢LO !阿娜丫麻」

岑沛冰指著門口一個跟在張靜怡身邊的女生。

一個十分普通的女生，但我心裡面卻有一種莫名其妙的好感。



那一天晚上，我一看見芝麻糊上線時，便立即跟她說...

青城城主:「哈! 我終於知道你係邊個啦! 娜姐」

芝麻糊: 「下..你而家先知，我仲以為你一早知添 哈哈」

青城城主: 「我點知呀，我都唔係識好多人」

芝麻糊:「咁今次邊個講俾你知呀」

青城城主: 「岑沛冰LO，仲要咁橋你就係我地班房門口」

芝麻糊:「咁都唔同我打招呼，你睇你幾無禮貌」

青城城主: 「唔通我大嗌出去咩」

芝麻糊:「岑沛冰坐你隔離Wo，有無鐘意人呀!」

青城城主: 「坐親隔離就鐘意，咁我都要鐘意好多人...」

芝麻糊: 「係啦你個樣咁濫!」

青城城主: 「你就濫呀! 你INFO 個咩歌黎 SEND 俾我聽下」

芝麻糊: 「你求下我咪SEND ~」

青城城主: 「娜姐，我求下你娜娜臨啦」

芝麻糊: 「你食屎啦~笑我個名!」

------------------------------------------------

岑沛冰是影響我最多的一個女人，不論是在學或者出身社會後。

她說過

「我不知道為什麼你明明沒有可能還要喜歡阿娜，全世界也不支持你，只有我傻傻的支持你」