010101 的愛戀: 七

漫畫節的首天，我和子健一 大清早就乘搭頭班車去灣仔會展。

雖然我們並非頭十人到達會場門口，但也算是頭二百人以內。

都足夠我們買到我們想買的特別版刀劍。

排頭位的人，看新聞好像是已經排了兩天，我們沒有那麼瘋狂，一來是我們還年少家人一定不會讓我們通宵在外，

二來我們要買的刀劍，未需要第一人才買到。



距離漫畫節開始還有數小時，我倆只好坐在會展中慢慢等待...

我:「好彩會展肯俾我地入黎會展排咋，唔係係出面實熱死。」

子健: 「係啦 夏天咁鬼熱 係出面一定辛苦好多，而家起碼有冷氣先!」

往後的日子裡我曾經跟子健為了心頭好，試過兩次淡淡夏日在戶外通宵排隊，

有些事情真的是年輕時才會做，長大了後都傾向用金錢買時間買休息。



那時候還未有智能電話，唯有談天說地來消磨時間，

由漫畫劇情到足球新聞學校花邊，我終於問了一個一直很想問子健的問題。

我: 「你點識芝麻糊架? 你之前會無啦啦SEND 佢ICQ 俾我」

子健: 「玩ICQ 識之MA ，個陣會不停亂SEND 人俾人咪SEND 埋俾你」

我: 「我仲諗緊佢唔係我地班，你點解會識佢」



我會這樣問，是因為那時候我開始覺得子健與慧娜好像很熟悉一樣。

籃球校隊大多是我班的男生，慧娜去看校隊比賽是因為子健嗎?

而她又知道子健很沈迷港漫，喜歡的歌手又相同。

但我沒有再問下去。

因為再問下去就是「你同慧娜係咪拍緊拖?」

那時我和子健討論的話題很多，唯獨是不會討論愛情。


過了一會漫畫節很快便開始了，我倆用最快速度跑去目標攤位。



幸好我們並沒有做出反智轉身，否則便名留清史了。

很快我們便買了我們的心頭好，在會場中玩弄一番，然而去參觀其他攤檔

那時快樂很簡單，買了特別版刀劍就會十分興奮，感覺就像中了六合彩一樣。

也許今天中了六合彩也沒有當時那麼興奮，因為如果不是一票獨中的話，隨時連首期也不夠。

中二三獎又會覺得為什麼只差一步。


芝麻糊: 「你地今朝真係去左排隊呀?點解新聞唔見你地o既」

青城城主: 「我地又唔係最頭，點會見到呀」



芝麻糊: 「哈哈，仲諗住睇新聞笑下你添」

青城城主: 「有咩好笑，你地女仔追靚仔明星都係咁啦，你地仲會尖叫添呀」

芝麻糊: 「你地兩個係心入面叫o者」

青城城主: 「我地先唔會咁痴線」

芝麻糊: 「淨返兩星期暑假有咩做呀~仲派傳單?」

青城城主: 「我地無做啦，之前我同子健拉到客都唔分錢俾我地，所以我地就無做落去」

芝麻糊: 「係咩? 唔見子健講o既!」

青城城主: 「咁我地都搵夠錢買玩具，所以咪由佢lo」



芝麻糊: 「咁休息下都好丫，快d 去做埋暑期作業啦」

青城城主: 「點解呀? 慢慢先啦」

芝麻糊: 「你要借俾我抄丫ma kakaka」

青城城主: 「下...我諗住你借俾我咋~我應該31號先做完」

芝麻糊: 「唉 都話你姑寒到死架啦! 咁都唔肯!」



-------------------------------------------------------------------



我倆之間出過很多笑言 可惜沒有一次成真