第四十二章「甘心替代你」

我以為等沛霖考完dse之後,就可以順利同沛霖喺埋一齊。

點知,一切都喺我意料之外。 https://youtu.be/BX-HgZlIVpQ

同沛霖約定之後,我決定去子彈介紹我去做嗰間泰國嘢返工,因為如果同沛霖一齊,都要有返啲錢同佢拍拖食嘢。

於是,我趁今日放學,就去咗九龍城搵嗰間鋪頭。



「唔該...係凌進介紹我嚟...」我同收銀嗰位大大隻隻嘅叔叔講。

「哦!你係杰少呀嘛,呀進有提過,你之前應該都有返開飲食,呢度都係手板眼見工夫嚟,好輕鬆。」

「好...」

之後我就喺呢間泰國嘢開始返part time,一邊儲錢,一邊等沛霖考完dse。

奇怪嘅係,沛霖喺呢段時間都冇搵過我。



不過佢可能要專心溫書啫。

時間嚟度五月尾,我上網查一查,發現今日就係考完ICT嘅日子,即係沛霖都正式完咗成個dse。

夜晚九點半,我收工之後就返粉嶺,諗住打俾沛霖叫佢落嚟,然後就正式同佢一齊。

「你撥打的號碼已關機。」





唔係掛,又熄咗機?

唔理了,直接踩上去佢屋企,我已經等唔到。

「叮噹。」

「叮噹。」

等咗三分鐘,都係冇人開門。

「沛霖去咗邊...」

我落返樓,就點起咗枝煙。

「點解又會唔見咗。」



我諗住去附近行下,睇下搵唔搵到沛霖,反而俾我撞到嘉瑩。

「嘉瑩!」

「喂..hello...」

「你有冇見過沛霖?」

「下...沛..沛霖?」

「係呀。」

「佢...冇同你講咩...?」嘉瑩個樣開始緊張起嚟。



「講咩?」

「沛霖...佢..佢去咗英國醫病呀嘛...我以為佢有同你講....」

呢一刻嘅我,完全唔識俾反應。

「英..英國?你講笑咋下話?」

「佢有先天性肺炎,你應該知架?」

















「.........」

「先天性肺炎...?」

「係呀,我都係早兩個月先知,早排沛霖咪病得好犀利嘅,我同敏怡以為佢淨係普通感冒發燒,但追問之下先知佢有呢個病。」



「但..好哋哋...點解會發作...?」

呢一刻,我望住手上嗰枝煙。

「我都唔知喎...哎你好臭..我返去先啦拜拜!」














「咳咳!咁臭嘅喂!」

「我食緊煙呀𡃁妹。」

「真係激死人!」

「你呀,平時都喺屋企食煙架?」

「以前唔會嘅,不過而加得返我一條友住,咪喺屋企食囉。」

「哼,我唔理呀,總之以後我喺度嘅話,你唔準食煙呀,知唔知道。」


「又食煙...憎死你...」

「你吹得我脹,你又唔係我老婆。」

「如果係呢?咁你係咪會戒。」








「杰..杰仔?咳..咳..我喺屋企呀...」

「杰仔....?咳...咳...搵我有事...?」

「係..係呀...你仲未好返?」

「咳咳...未呀...咳...可能溫書溫得太夜...咳咳..身體差咗好多...」


去到呢一刻,我先知道點解沛霖會病發。

沛霖根本唔係溫書溫得太夜所以病。

而係因為我。