簡介

而家嘅我只係想靜靜地過日子,所有事隨緣。呢次絕對係我最後一次提初戀.......



初戀,是個容易分手的戀情。
一開始,我們還不夠成熟、不懂得珍惜。
最後失去了、後悔了。
才知道最原始的幸福,最原始的甜蜜......

----------話說從前----------
有個女仔,我地唔同學校
喺機緣巧合下一齊咗~
冇錯呢個就係我嘅初戀!



我地一齊嘅時間唔長,後來分咗手.....
原因係我地對大家都未夠熟悉,我又好似逼得佢太緊,過度嘅關心 冇俾到空間佢,令佢覺得好辛苦........

不過大家都話初戀係短暫又美好嘅~的確!!
我好珍惜同佢一齊嘅時光~
可能只係上天另有安排....

然而喺分手嘅嗰一刻 惡夢就開始咗.........

我為咗挽回佢!


我試過去做gym~
我好努力練波 希望有少少成就,令佢對我刮目相看!

我會去睇佢比賽!
我試過冬天朝早9點去睇到5點,吹咗全日冷氣!但偏偏我係好容易病嘅體質,後來果然又發燒.....不過我認為值得!就算係離我好遠嘅東涌、天水圍我都去過!

我都有去過佢學校門口等佢放學!
等咗個幾兩個鐘都只係想見佢一面!
而家唸番起都幾青春!(傻仔)



我會喺放Lunch嗰陣專登行上佢學校嗰邊食飯!咁啱見到佢嘅話已經夠我開心一日!
哈哈哈哈哈.............

 直到................!
 
我識咗佢個Fd,佢個fd同我講「xxx話你好煩囉成日食飯都專登行上嚟食,又要見到你!」(呢個時候嘅我心都碎埋)
跟住就到咗手球學界~
最尾輸咗俾佢地學校,只係得亞軍。
大家都好比心機打,都係輸咗~

經過呢一年嚟發生嘅事我學識咗:
 
原來真心同努力未必有用!(冇用)
對所有嘢都喪失咗信心。
各種負面情緒同思想。



-------------------------------------------------------

   「我雖然並沒有忘記你,但也沒有精力去想了。」