［已出實體書］《香港殘響》-荃灣倖存者基地: 15
翌晨，吃過早餐後，我遊蕩到會所的多用途室外。
門沒有關上，這個多用途室現在成為一間課室，內裡有二十多人在聽導師講課。
有男有女，有年輕人亦有大叔，都在專心地聽從灰褲導師的教導。
灰褲導師是個高壯的男人，看來三十來歲，目測1.8米高，在遠距離看，有幾份像電影演員方中信。
他一雙前臂相當粗壯，有格鬥疤痕，看來是個有戰鬥經歷的人。
蒼白的牆上正展示著投影片，是一名有著長長指甲的女殭照片，距離很遠。
「……下一個，鐵殭。」灰褲導師在筆電上按一下，投影片展示一名高壯的男殭。
距離更遠——我想，攝影者應該相當畏懼他吧？
硬質短髮，深茶色皮膚，一身賁張肌肉，目露凶光，眼珠是淡灰色的。
頭髮好像是銀白色……因為環境太昏暗所以看不清楚。
幾乎沒有陽光，似乎是在某個商場內拍攝？
「鐵殭，係相當難應付嘅Ａ級類型，佢哋嘅智力比一般殭屍高，而且識得硬化皮膚，所以冇辦法刺到心臟，佢嘅唯一弱點就係雙眼，要用長兵器喺依個位置，」導師用筆指一指它的眼睛，「刺入大腦先可以殺死佢。」
在場的年輕同學緊張地嚥了一口口水。
「而慶幸嘅係，佢哋一般唔會走出街攻擊人，根據情報，佢哋大多會固定住係一啲陰暗嘅地方，例如商場深處，囤積食物，仲會養住一至兩隻狂犬去看門口……而我哋有呢啲情報，都係全靠我哋首領，相信呢度好多人都知道，大約兩個月前，佢就帶領小隊攻入大鴻輝中心，成功殺死一隻鐵殭同佢嘅護主犬……得到可觀食物，但同時……我哋都付出左好大嘅代價……」
身穿運動裝的林凱恩舉手發問：「阿SIR，佢哋會囤積食物……即係佢哋會食人類嘅食物！？」
「唔係……所有殭屍都唔會食人類食物，鐵殭儲一大堆食物係為咗……喺我哋面前倒天拿水上去，佢想親眼睇我哋絕望、憤怒嗰個樣……」
「下……咁變態。」
「即係要我哋有得睇、冇得食。」
「痴撚線……咁樣浪費曬啲食物。」在座的大叔握緊拳頭，青筋暴現。
「喺荃灣區鐵殭並唔多，暫時淨返兩隻，一隻係千色匯，另一隻喺荃薈商場……而有傳言，佢哋一族主要集中住喺香港北面古洞區，嗰邊有殭屍村落，佢哋有自己嘅文明，有領導、有兵工廠等設施……」
學生們努力地低頭抄筆記。
「我再重新提多次大家，見到鐵殭或者佢嘅護主犬，就即刻掉頭走，因為要打贏佢係非常艱難，佢係比奸險嘅笑殭仲要恐怖幾十倍……」
這時候一名少年繞過我，敲敲門，是阿朗。
只見他俏臉微紅，低著頭，不好意思地說：「阿SIR，唔好意思……我遲咗。」
「哦，唔緊要，入嚟啦！」導師抬起頭，正好見到我站在門口，「係你呀？你好似叫默存？入埋嚟一齊聽啦！」
我先是一錯愕，然後點點頭，跟阿朗坐在課室末端的位置。
「默存，我已經聽過你嘅威水事蹟啦……你可以叫我生哥！」灰褲導師對我叫嚷。
我笑著比了一個ok手勢。
「跟住到實戰示範，邊個想出嚟扮怪物？」生哥笑了笑。
「我！阿SIR，我！」一位嚼著口香糖的少女高高舉起她的右手，右側大半邊屁股飛離了木椅子。
看來她是很熱衷做示範，非常非常的想走上台。
「又係你呀，善兒……好啦，畀你出嚟！」
身穿籃球Tee與運動短褲的活潑少女走了上台。
生哥沉低身子，凝神備戰，朗聲說：「今次你扮笑殭，撲過嚟我右邊，想撕開我右手！明白嗎？」
「好！」善兒爽朗一笑。
「大家都知道，陰險嘅笑殭最鍾意肢解人類……」灰褲生哥對他的眾學生說。
善兒斜歪著身子，對眼前的男性獵物邪笑起來，怪叫一聲，高速撲向對方！再用盡力氣抓緊生哥的右手腕與右上臂，咬牙切齒的發力拉扯……
此刻灰褲生哥手頭上並無武器。
「喺呢個時候！就要轉腰沉馬，我個右肘一落！對方腕關節立即被反抝，就要被迫鬆手！」
善兒雙手吃痛，力度果然減輕了，但仍死忍不放手。
生哥此時以左手拔出腰間一柄未開鋒的匕首，俐落刺向對方心臟位置！
「死。」生哥冷淡地說。
善兒突然像個小學話劇演員，誇張地揚首慘叫，倒地！
然後又突然彈起身，在導師的桌上拿走一塊藍色包裝的巧克力，「ｙｅａｈ」了一聲。
投影片轉換，生哥開始講解關於前線隊員冒生命危險得來的地區調查報告……
我則開始東張西望，四處搜尋她的身影……
似乎……她不在這裡？
「搵人呀？」阿朗好奇，停下筆。
「唔係呀……」
阿朗繼續抄寫筆記。
「係呢……你同蕙凌熟唔熟㗎？」我試探地問。
「嗯……都幾熟㗎，呢個基地成立咗半年左右，我同佢都係創始成員之一啊，」阿朗輕聲說，用鉛芯筆筆尾敲敲下巴，「做咩咁問呀？」
「冇嘢，隨便問下啫……」我裝作若無其事，「咁佢平時有咩嗜好㗎？」
「……平時見佢都幾經常做ＧＹＭ跑步，同首領對練兵器……話說施首領係佢武術方面嘅大師兄，佢哋個門派叫、大聖咩咩門……唔係好記得，好多明星嗰個門派……你有機會問佢丫，武術嗰啲嘢我真係唔係好識。」
「哦……咁佢、冇拍拖咩？我諗佢、應該都幾多人追？」
「有人追，不過都好似冇下文……阿存你真係好啦，啱啱認識人就咁關心對方。」阿朗誠懇地說。
「嗯，我最鍾意就係關心朋友。」我攬一攬阿朗的肩膊。
⊕
入夜，首領透過whatsapp傳訊息給我——
七人投票大會要開始了。
我和妹妹到底是留，是走……
我能否留在這裏替她尋找合適的治療……
就看今夜了。
《每個人心中，都有一件想做卻不敢做的事情。》
（盡可能22號晚上出新一集）
求ｌｉｋｅ， ｓｈａｒｅ^^