［已出實體書］《香港殘響》-荃灣倖存者基地: 54

由這裡步行往成安樓，大概廿分鐘路程。
 
我把妹妹安置在房間後，就一個人火速衝了出去。
 
意外地，我在基地門口遇上剛剛採摘野果回來的蕙凌。
 
她看見滿臉憤怒的我，感到相當驚訝，經細問後，她決定也跟隨我前往那個人渣的秘密實驗室。
 
⊕
 




我倆來到著名的荃灣德發粥店外，意外地， 我看見了「它」。
 
枯燥的深茶色頭髮，灰白的臉，左臉嘴角處有刀疤， 順風速遞制服……
 
是當年咬我妹妹的那隻年輕男殭屍，它正在不遠處的內衣店門前。
 
這疤臉笑殭，手上仍握持著我家的尖廚刀。
 
當年我沒有能力與知識殺死它……
 




我想報仇，但現在沒有多餘時間。
 
只好暫時放它一馬。
 
⊕
 
因為巨大的憤怒，我這一蹬，有700磅的勁力。
 
碰！
 




右腳一蹬，5A單位的厚木門連門框整個飛開，掃倒一堆化學品。
 
玻璃碎裂聲。
 
除了這聲響，斗室內就再沒有別的聲音了。
 
大大小小的試管燒杯、 顯微鏡、 電子磅、 分離器、 生命表徵探測機、 筆記型電腦、 1.5米高的壓縮氣體罐 、還有無數的圖表與金屬瓶子……
 
而楊醫生似乎不在。
 
這裏有舒適的空調……
 
我到這時才稍為冷靜起來…… 其實，如果我真的是決定單人匹馬前來，在這斗室遇上虎殭，那我肯定是九死一生。
 
那種恐怖的生物不可能憑一人之力對付。




 
蕙凌看著小鐵籠裏的一隻白老鼠——雙眼血紅，充滿攻擊性的狂暴白老鼠。
 
牠的爪子變得很像黑甲……
 
牠旁邊有一隻 被咬掉頭部的小白鼠，整個腹部都是可怖的爪痕。
 
蕙心生畏懼，說：「楊醫生……佢就係喺度研發基因針劑去令自己右手重新長出嚟？ 而又意外變成殭屍？」
 
「 根據小方嘅講法，佢係喺基地度打針。」
 
「 咁……佢究竟喺依間房研究緊啲咩？」
 
我沒有即時回應，我走近一部筆電。
 




筆電的螢幕上顯示有兩個程式：右邊的程式顯示著一個3D基因模型， 下方有一些複雜的化學算式。
 
左邊是一個影片播放程式。
 
看來楊醫生自己跟自己錄了一部短片……似是某種自白？
 
我用滑鼠按了play。
 
楊博士嚴肅地對著鏡頭說：「自從係五年前發生嗰件事之後，我失去咗我右手同我心愛嘅太太……自此，我就發誓，喺我有生之年一定要創造一個完美嘅世界， 一個沒有缺憾嘅New world……好幸運，我今年喺一位半殭少女身上得到啟發……
 
「相比渺小嘅人類……殭屍係強大而完美嘅生物， 點樣可以加入佢哋嘅基因， 而又唔會完全、被殭屍細胞操控腦袋失去人類理智，一直係我研究嘅課題……
 
「半殭少女嘅出現， 係一份恩賜，ａ gift！ 佢嘅幹細胞令我可以創造完美嘅『跨物種基因針劑』，經試驗後，白老鼠變得完美而強大，即使被剪斷一雙前足都可以立即再生，壽命亦更長……
 
「只要等待藥效一過，或是注射還原劑， 就可以立即變回普通白老鼠嘅模樣！ 我成功咗！ 雖然我嘅助手阻撓我， 但我當晚就即刻對自己進行注射！ 效果非常好，我亦都好滿意！




 
 
 
「 測試過自己嘅細胞再生能力後，我就去搵個班白衫黑幫…… 因為係佢哋害到我太太變成植物人！ 係佢哋用車門夾斷我嘅右手！！ 嗰個肥腫難分嘅龍頭大佬，我就用我嘅能力將佢釘喺牆上面， 睇到佢流曬血咁樣向我求饒，我就覺得好有快感！！」
 
楊博士瘋狂的笑聲——
 
「默存！ 你快啲過嚟睇下！」不遠處的蕙凌突然叫我。
 
她示意我看桌上的三大張圖表。
 
蕙凌的面色變得有點蒼白，「 睇嚟……佢成功將Z病毒霧化，製成一種手提式生化武器……仲自行設計生產咗兩部『氣體放射裝置』。」
 
桌上還有一張荃灣地圖，名逸居與愉景新城都被他用藍筆畫了圈。
 




地圖上方寫著一堆關於空氣動力學與生物製劑的方程式……
 
我勉強能夠看得明白。
 
「佢想……」 我搖了搖頭，「佢想……係依兩棟建築物嘅天台上面安裝放射裝置， 將Z病毒大幅度擴散開去，令到荃灣兩大倖存區嘅活人都變成殭屍！」
 
「我、 我即刻打畀施首領…… 唔係、我即刻發訊息警告佢， 叫佢疏散大家……」蕙很是緊張。
 
「 咪住，但係圖表上寫咗三個日期…… 我哋唔肯定佢係今日做行動、定係聽日， 我哋亦唔肯定佢係咪真係喺名逸居天台度裝咗呢種裝置…… 我覺得我哋應該親眼去睇下先！ 以免引起大眾恐慌！」 我吞了吞口水，
「不如咁樣！ 我哋兵分兩路，我而家跑返去基地天台睇下咩情況，你留喺度等陳景佢哋過嚟， 然後一齊去愉景睇下咩情況，ok？」
 
蕙點頭同意。
 
我借了附近餐廳的wi-fi， 用手機whatsapp程式通知陳景。
 
錄音的內容大意是講述了虎殭的真正身份、楊醫生的陰謀計劃…… 以及叫他找一些戰友同伴去助蕙凌前往愉景調查。
 
為了成功解除放射裝置，也叫他把小方喚去。
 
⊕
 
離開大廈，我與蕙分道揚鑣。
 
蕙看著我的眼神充滿不捨，別離時，她幾乎要哭了。
 
我風風火火的跑回基地。
 
根據圖表上的手寫文字， 那個瘋子很可能會在今晚1900以裝置發動生化襲擊。
 
我看一眼手機時間。
 
現在尚餘28分鐘。
 
《一件該做的事，就算明知要死，也要去做，這才叫俠士。 －倪匡》


歡迎SHARE~

我FB:
https://www.facebook.com/water.lam.novels