«流星»: 4==戰略會議

兩日後------X.S.T. 總部大樓64樓會議室

「喂水晶你條八婆講邊個啊！你自己害死個VIP, 跟住冧人嗰個殺手又捉唔到，你仲好意思話我架喎。」今次開人拖嗰個係隕石。。。
「係咁架啦，你堆男人全部都見到靚女就無晒反抗力，好似比人落左降頭咁，個VIP 特登調走我地，點知條女係殺手啫，你咁叻你試吓啊牙簽仔！」水晶不甘示弱咁『回禮』。
[ 伊鴉~~」開門聲傳黎，映入眼簾嘅係一面嚴肅嘅陳旭天同「唔知點解滿面潮紅」嘅遊星。
「隊長！」所有人不約而同咁出聲回應，啱啱仲係度嘈交嘅兩位「野蠻人」即時回復原貌。
「我諗大家都知道早幾日林樂行博士比人襲擊嗰件事，而呢件事嘅幕後黑手。。。係近一兩年香港最大社團，墮落聖人，當然，而家佢地已經變成全香港最把炮嘅殺手組織，號稱十萬門生，不過我真係好想睇吓，呢十萬人，到底有幾襟殺。」
「我一定支持隊長大人嘅~嘻嘻~~」流星開口。
「我地都一定支持隊長。無論你要做咩，我地都會照做，唔會有一絲絲嘅遲疑」今次開口嘅，係幽靈，水晶，撒旦，狂魔同天使。
「你要打，我地點可以置身事外啊？隊長，I am in! 」今次輪到新星，暗影，金花同埋泰坦。




「既然水晶條八婆都咁夠薑，咁我無理由做契弟匿埋一邊架係咪先，隊長我撐硬你架啦，要殺邊個話我知，我幫你滅佢全家。」隕石以佢自己認為非常霸氣嘅方式開口講野。
「咁今日就黎到呢到先，咁多位，我同流星仲有野要做，走先啦，你地自便啦吓，各回各家，各找各媽。」講完呢句，陳旭天就拖住遊星隻手，好sweet 咁離開左會議室啦。

至於仲係入面嗰十個啦喎。。。。。。

「喂喂喂，你話邊個八婆啊，牙簽仔」水晶繼續啱啱未嘈完嘅交
「你啊，講緊你啊，八婆，八~~~~~~婆，聽得清唔清楚啊，使唔使我唱到成個52樓都知啊死八婆！」隕石比人挑中痛處，強硬地插翻水晶一句。
「唉，仆街啦，又黎鳥」另外嘅八個人如此心諗