人要惡過車！: 第十八章

咁食完飯，阿堯話去咩打卡熱點，喺彩虹邨喎，咁我同佢去啦，咁去到嗰度個停車場，見到架FK2同架FK8中間有個吉位，我諗都無諗就泊埋去。
「做咩咁多位唔泊，走嚟泊個咁窄嘅位呀？」堯問我。
「想鍛練下泊車技術喳嘛哈哈。」我求其搵個借口，然後就係三架車前面影相。
「停車場影乜鬼呀，上去有排你影呀。」
「哦。」
上到去個籃球場，係幾靚嘅，唔怪得之啲人咁鍾意嚟打卡，咁我係攝影師，負責幫堯影相，唔好話我賣花讚花香，我影相真係唔差嘅。咁玩玩下太陽都差唔多落山，陽光照住七彩嘅彩虹邨顯得更加靚。
「照多一張就返屋企啦。」堯同我講。
「哦，ok。」
之後堯行咗去我前面，側側地身面向棟樓，然後向後申出右手。
「快啲啦。」堯叫我。




「吓，我要做咩㗎？」
「拖住我，然後喺你視覺出發影張相就得㗎喇。」
「哦。」
咁我照佢指示，影咗幾張比佢。
「嘻，嘻⋯⋯」堯偷偷地甜笑。
「做咩無啦啦偷笑呀？」我問佢。
「無呀，返去啦。」佢繼續笑。
「哦。」