人要惡過車！: 第五十三章

「比個頭盔我做咩？」

「我比你揀架車，試下揸。」

「我強制都未上過喎。」

「驚咩呀，好易揸㗎喳。」

「唔好搞啦，你自己玩啦。」





「都唔知你驚乜。」

我行返入屋，坐喺梳化hea，而嗰三個女人得閒到喺度嘆茶。

過咗無幾耐，堯拎咗兩杯茶過嚟，坐喺我隔離。

「唔該曬。」

「嘻嘻。」堯笑住咁挨喺我膊頭。





其實每日咁樣過日晨都幾舒服，輕輕鬆鬆咁。


但現實邊會比你咁樣Hea法，第時唔返工就等仆街。


不過既然依家有個咁嘅機會，梗係Hea盡佢。

「呀～」我打咗個喊露。





「眼瞓呀？」

「少少啦。」

「咁瞓啦，等陣我再叫醒你。」結果變咗我挨落堯度。

唔知過咗幾耐，我聽到好嘈嘅引擎聲，嘈醒咗我。

「唔～醒啦？」

「我瞓咗耐呀？」

「個半鐘掛。」

「咁嫲嫲佢哋呢？」





「啱啱出咗去食飯。」

「你唔跟埋去？」

「我去嘅邊個睇住你呀。」堯督一督我額頭。

「又係呀呵，哈哈。咁依家我哋點？」

「一係出去食嘢？」

結果我哋揸車出去，泊喺堯屋企樓下。

而堯帶咗我去一間食麵嘅舖頭，食咗個麵。





食完嘢周圍行下，行到個公園仔就停低咗。

「我細個行過公園，都無乜入去玩。」堯話。

「我反而無乜興趣去公園玩。」

「吓？你細個唔同人玩㗎咩？」

「咁煩，我留喺屋企推車仔仲好玩啦。」

「有時真係唔知你諗乜，哈哈。」堯喺度笑。

「唔好咩？」我笑一笑。

「好～我就係鍾意咁，嘻嘻。」