食完飯之後,我哋就坐阿爸車返屋企。

第二朝瞓醒之後,見到堯姐喺書枱睇緊Laptop。

「唔~?」我伸個懶腰。

「我嘈醒咗你呀?」

「唔係,睇緊咩呀?」





「無,我搵下啲資料啫。係呢,一陣間我約咗舊同學食下午茶呀。」

「車你去?」

「嘻,唔該曬。」

過咗個零鐘之後,堯姐換好衫化好妝。

「行得啦。」





我同堯搭𨋢落停車場攞車。

「B呀。」

「唔?」

「可唔可以比我試下坐司機位呀?」

「哦?好呀。」





我拎出車匙,解鎖架車,堯就去打開司機位道門,我就企喺佢側邊。

「B呀,點解除咗油門同迫力之外,仲有個腳掣嘅?」

「極力子嚟嘛。」

「有咩用㗎?」

「轉波嗰陣要踩落去㗎。」

「哦~」

「試唔試下揸?」

「得㗎咩?」





「停車場有咩所謂,兜下圈喳嘛。」

我幫堯着車,之後行去副駕駛座。

「嗱,你左腳踩極力子,右腳負責油門同迫力,Ok?」

「嗯。」
已有 0 人追稿