人要惡過車！: 第六十六章

「起身啦～」我隱約聽到堯姐把聲。

「嗯～」我張開眼。

嘩屌，做咩四條友望撚住我笑。

「肯起身啦咩？」

「哈，我瞓着咗～，阿B你件衫濕咗呀～哈～」





「你仲好意思講⋯⋯」堯姐無我咁好氣。

咕～咕～

屌！依家幾點呀？仆街好撚肚餓添。

「好啦，我執好啦，行啦。」Ella話。

行？行去邊？





「去食嘢呀，快啲啦。」堯姐同我講。

「哦～咁行啦。」

喺行去停車場嗰陣，堯姐一路撓住我隻手。

「喂，不如鬥快去到？輸咗嗰個請。」慧妍話。

「求之不得。」Ophelia話。





「搞錯呀，我揸車喎，你搞啲咁嘅嘢？」Ella問慧妍。

「得啦，無問題嘅。」慧妍笑住講。

「Err…」我一想開口，嗰四個女仔即刻望住我。

「你唔係驚呀嘛？」慧妍笑住問。

「唔係呀，只不過其實我唔知目的地喺邊。」

「元朗呀On9仔。」堯姐喺度恥笑我。

「哦。」

「好啦，為咗公平啲，我坐Ophelia車啦。」洛怡終於出聲。





「要公平嘅話你哋讓我哋行先啦，話曬你哋多400cc喎。」慧妍話。

「Ok，fine。」我同Ophelia話。

當我哋三部車出曬停車場之後，我同MX5停埋一二邊，等AE86上咗公路我哋先出發。

過多一陣之後，我哋收到由Ella send出嚟嘅Whatsapp，咁我哋就出發，而我亦讓架MX5行先，我喺後面追。

轉上荃灣路都無乜問題，都係一路追住架MX5。但係一上屯門公路⋯⋯

屯門公路夜晚無乜車，正當我想再揸快少少嗰陣，前面無啦啦有三架細圓尾燈嘅車打橫平排咁慢行。

「搞咩呀前面？」我黑人問號。





我同MX5嚟嗰三架車越嚟越近，終於望到嗰三架係乜車。


無錯係三架FD3S，除咗Hugo同Ben之外，仲有架雨宮RX7。

屌，究竟佢哋屋企有幾多架RX7㗎？出埋Veliside呀笨。

接下落嚟，堯姐收到嚟自Ophelia嘅電話。

「喂。」

「⋯⋯」堯姐聽到之後開咗擴音。

「喂，阿僖？」電話傳來洛怡把聲。





「喂。」

「上面嗰三架車一定係慧妍叫嘅。」洛怡無奈咁講。

「我知呀。」

「你又知？」

「其中兩架係Ella哥哥架車嘛。」

「啱呀，仲有一架係佢細佬嚟。咁你諗唔諗到咩對策？」洛怡問。

嘩，洗唔洗咁錫個妹呀？

「無呀，見步行步啦，況且玩吓啫，等Ella拋離我哋好遠嗰陣佢哋應該會走㗎啦。」





「咁呀？」洛怡略有所思

「不過唔好收綫住，去到大欖隧道個路口先。」我講。

我哋一路跟住三架RX7，去到大欖隧道個路口。

「喂，收慢少少，睇佢哋點行。」我話。

我哋望住嗰三架RX7，向住屯門方向行。

「我哋入隧道啦。」我話。

「Ok」Ophelia答我，之後收綫。

我同MX5即刻扭上大欖隧道，可以唔洗再慢。

沿住隧道一直行，去到收費亭，我要停低比錢，而MX5直接行auto toll。

望住架MX5越行越遠，我心諗：屌，又蝕多三十秒。

比完錢即刻快馬加鞭，想要追返上去。一路跟住架MX5落迴旋處，但我決定唔爬頭嚕。

泊好架車之後，我哋四個行到去糖水舖，但唔見慧妍同Ella嘅身影。

「Yeah，我贏咗你啦。」Ophelia話。

「快咗咁多嘅你。」我話。

「洗你講。」Ophelia好得戚咁講。

企喺側面嘅洛怡陰陰嘴笑，與此同時收到來自慧妍嘅電話。

「喂，鍾唔鍾意我嘅驚喜呢？」洛怡開咗擴音比我哋聽。

「搞錯呀，咁你都得㗎咩？」洛怡故作生氣咁講。

「哈哈～我哋搵定位等你哋呀～」慧妍哈哈大笑之後收綫。

一收綫嗰吓，我哋四個即刻喺度笑。

過多無幾耐，佢哋兩個終於嚟到⋯⋯

「多謝曬兩位老細！」我哋對住慧妍同Ella講。

「無理由嘅，我哋都無見到你哋爬頭，仲要你哋應該比人擋住㗎！」慧妍唔肯相信事實。

「錢解決到嘅就唔係問題啦～」洛怡笑住講。

就係咁，我哋一班人喺元朗食嘢，食完太夜我就去咗堯姐屋企，而Uncle同auntie係繼續去咗旅行。