人要惡過車！: 第六十八章

時間轉眼之間就過咗一個月，我同堯姐搞掂曬啲論文之類嘅嘢，終於無咁忙。

「B，不如出去兜下？」堯姐同瞓喺床上面嘅我講。

「好。」

我哋揸咗架車去汀九，泊低架車行落沙灘。

「咁醒目嘅，攞定張蓆出嚟。」





「我喎，邊似得你𢦀鳩鳩咁呀～」

頂，又笑鳩我⋯⋯

「不過𢦀鳩鳩都幾好呀～」堯姐攤喺蓆到笑住講。

「吓？」

「就係可以比我蝦～哈哈～」





屌，我就知妳無咁順灘。

「係咁唔順灘㗎喇～唔滿意嗎？」

「唔係～」佢又知我諗乜嘅⋯⋯

「嘻，咁就得啦。」

我哋攤喺沙灘，望住汀九橋傾計，唔覺唔覺就傾到條橋熄燈。





「返去啦我哋。」

「哦。」

我哋上返車，沿青山公路返入屯門。


「哄～～」身後突然傳嚟高轉嘅引擎聲。

下下嗌到爆轉，應該唔會有錯。

引擎聲嚟我哋越嚟越近，並且出現喺我嘅倒後鏡。

「做咩呀？」





「無嘢呀。」

踩？定唔踩好呢？

「嘻，做你想做嘅嘢啦～」

對住堯姐笑一笑後，我就踩油門，嘗試擺脫後車。


無幾耐之後我再望望後鏡，發現並唔係好似我諗咁。

點解佢仲喺我面？仲要越追越近？係咪我仲未夠快？


我立即踩盡地板油，用盡一切方法打算拋離後面部車，可惜都係唔成功，而前面迎接我哋嘅係一個迴旋處。






我深知用依家嘅速度入彎嘅話係一定會出事，所以我輕踩Brake，準備入彎，但係⋯⋯


「砰！！！」