讀足六年，比人蝦足六年: 4.Football

4.Football

   話時話，我未同你地講我嘅強項tim。

   我知，我係有提及過，但係都冇詳細講，所以而家就分享下。
 
   我，自細就好鍾意踢足球，足球可以話係我嘅命根之一。

   我成日sap下sap下咁，你就知我冇咩朋友啦，所以足球呢個興趣可以話係我成個童年印象最深刻嘅野。





   小學，我仲未係一個足球校隊，老實講我踢波唔算好勁，甚至有時有d中二、三嘅初哥都勁過我。

   但我對足球，有嘅係熱誠。

   回想中一嘅時候...
×××××××××××××××××××××××××××××××××××××××××××××××××××××××××××××××××××××××××××××××××××××××××××××××××××

   『到底我入唔入到足球校隊呢？』係上個星期三，我已經交左報名表，今日就黎呢度選拔。

   眼見隔離個d人全部都又高又型仔，搞到我咩自信都冇曬，唉...





   不過呢，我依然相信我嘅實力係可以證明一切。

   雖然後尾我都知咩事。

   選拔終於都開始左。

   選拔項目得兩樣，體能同基本技巧。

   首先我地全部人都要為住操場跑圈，三十個。





   當我聽到呢個數字真心都離一離，因為我體能一向唔好，咁我咪真係連第一樣都過唔到？

   我地開始跑，頭是個都叫做冇咩問題，但係到二十...

   我對腳開始有d軟，但係我唔可以停，仲有十個姐，唔跑都跑左二十個...

   停低姐係我認輸？

   冇可能。

   我憑住僅餘嘅意志力跑到最尾，係....係三十個圈。

   我已經feel到自己有d暈，行部路都唔穩，但係我又唔想比人睇死，所以好勉強咁撐住，行去飲水機度補充下水分。
   




   之後，我又翻到操場，準備基本技巧選拔。

   好彩，選拔對中一仔嘅要求唔算高，只係考『射』同『交』。

   姐係射波同交波。

   我好勉強咁控住粒波，一起腳射，差d仆街，不過好彩冇事，但係就射唔入。

   交波就反而冇咩事，我傳波都尚算正常。

   成場都冇pk，算係咁。

   我地選拔過曬之後，負責老師就叫我地翻去等消息。我今日搞成咁，唔知入唔入到呢？

   我係更衣室換衫，但係我已經feel到自己暈，我坐左係長凳度休息左三、四分鐘，就起身翻去上堂。





   好死唔死，我班房係4樓，我好幸苦咁行到去4樓。屌，暈到仆街！

   真係仆街！

   我差唔多跌低個陣，突然有個人扶起左我，所以我先冇仆街。
 

   個隻手，我記得，好溫暖。

   『你冇事啊嘛？』係一個女仔。

   『冇事就翻去上堂啦！臨子廷。』佢竟然記得我個名？

   我，鍾意左你啊！