6.旅行日

    『阿琪!阿琪!!』我醒左,屌原來我發緊夢,仲要上下上下堂嚇醒左。

    『臨同學,訓醒啦?訓得舒服嗎?放學黎留堂啦。』唔Q係掛,仲要係數學堂,陣間有要去留堂...唉!

     打破第四面牆先,而家係中五,仲係中五嘅。

     我而家真係又sad9有興奮。點解?因為聽日係學校旅行日啊!屌你老母!!





     係一年一度嘅學校旅行日啊!又可以比個機會我去玩!又唔洗翻學!正!

     你問我點解咁興奮?因為有足球環節啊!開正我個飯!

     話唔定到是我表演一兩分鐘班友仔就求我教佢地題波,到時仲唔比我威翻一鋪?威成年都得啦!

     可能班女見到仲會開始比我吸引到tim啊,到時識翻一兩條女真係冇難度。

     到時真係成級都知道我臨子廷呢個名,勁!





     諗下諗下就放學啦。

    『啊...好眼訓。』朝早起身我打左個喊露。

     雖然我冇咩精神,但係都唔影響我今日嘅心情,我一樣充滿幹勁。

     我,一定要出人頭地!

     我地班今次嘅旅行地點係石澳,係,其實邊度我都冇咩所謂,醉翁之意不在酒啊嘛。





     有波踢咪得囉!

     我地係筲箕灣地鐵站集合。

     我唔算早到,去到之後見到佢地好多人已經到左。

     今次唔係我負責帶波,因為佢地冇人問起我,所以係由矮仔同學帶架,佢好似叫咩...王尹強。

     見到佢攞住粒波,就技癢,想問佢借黎玩下。

     點知條友話我會整污糟佢粒波,所以叫我死開一二邊。

     『你洗唔洗咁講野啊...你踢咁廢。』我講完就自己走埋去一二邊。

     人齊之後,我地就一齊坐巴士出發去石澳。





     屌那媽,個個都有伴一齊坐,得我要同d三唔識七嘅人坐。

     我點?我可以點啊?佢地個個圍住傾計,我咪自己坐低玩手機囉。

     你問我羨唔羨慕嘅話,梗係羨慕啦,人人都話中學嘅朋友係一世嘅,我就一個朋友都冇,我都係想有人可以同我傾下計姐...好撚奢侈咩?

     我都想有個人可以比我訴下苦、陪我癲。但係一個都冇,假象都冇啊!
   
     睇黎我都係一世人都住係獨家村...

     原本我都以為阿琪佢會拉我出去,但係到頭來...都係得翻我自己一個。

     我地係差唔多四十分鐘嘅車程後,就終於到左石澳。





     我地一開始就去左燒烤先,我地行左一陣,就到左燒烤場,我發現都幾多其他班黎呢度旅行。

     我地開始透爐,之後就燒下野食咁。

     佢地個個都一齊燒,識左一兩個月就咁friend,真係唔話得,但係我就冇friend,所以自己坐埋一二邊燒。

     因為食物都唔太夠,都唔撚夠飽。

     所以燒左一陣,就去左沙灘度踢波。

     It's show time!!!Let's welcome Jeff!

     終於到我表演啦!
    
     點知...





     去到沙灘之後,個矮人就攞左粒波去踢,成班仔就一齊去踢,班女就係隔離睇。

     成班人齊,唯獨係吳確廉件lap sap唔見左。

     佢就爽啦,最近好似識左女神林雨迎,所以唔同我地踢都正常嘅。

     屌!我以為佢唔係度我實有份踢,點知佢地傳來傳去,我波都冇點過,仲show time條撚咩。

     所以,我計劃係基本上失敗左架。

     我咪唯有自己走去隔離坐低,諗住扮下憂鬱,等佢地黎關心下我,點知...

     係冇人黎架。





     屌!!!!!!!!!!!!!!!!!!!!!!!!!你老母。

     我唔撚係人啊而家?

     唔撚係理我感受架?屌你老。

     班老師都係教畜,又難怪冇人理我嘅,畢竟,教畜係冇人性架。

     點知我坐左去第二邊之後,見到有個女仔都自己坐左係度,出奇地,雖然未到學校級女神,但佢都係個典型嘅靚女。

     佢咁靚女,正常應該係個社交能手,而家應該同d同學玩緊,或者比d狗公服侍緊,但係佢竟然自己坐係度看海。
     
     唔通係個天都比機會我?但係我吸取太多次教訓,我冇主動過去。

     點知...  

    『喂!你又搞咩自己坐係度啊?』竟然係佢開口先。

    『冇...佢地踢波姐...』

    『你九唔答八嘅,我問你做咩自己坐係度啊。』

    『佢地冇預我踢...所以我咪黎坐下囉,唔通地住佢地踢咩...』

    『你踢波好廢咩?』

    『唔係啊,都ok架,但係我冇friend。』

    『過去同佢地講,叫佢地侵埋你咪得囉。』

    『如果咁易,我一早踢緊。』

    『姐係你廢啦。』

    『um...咁你呢?你又自己坐係度?』屌,話我廢,你咪又係自己坐左係度。

    『我鬼係自己坐咩,你估我係你啊?我同friend黎呢度食野傾計係咪唔得?』

    『唔係...』屌,原來佢有friend,仲以為係同路人tim...

    一講曹操,曹操就到啦。佢個friend翻左黎,而且...個背影有d眼熟...

    『點解你...係度嘅?』頂!!係阿琪啊!

    『哦...冇...冇咩啊...無聊姐...係囉,咁...咁啱嘅。』我見到佢就口啞啞,講野疾下疾下咁。

    『哦...我同friend黎坐下姐,我地走架啦..』阿琪一見到我就想走,佢係咪真係嬲左我,不過都好明顯啦。

    『頂!坐低啦!我想睇下海景啊!』點知個靚女就開口,唔好誤會啊,我唔係變態啊,只不過係我唔知佢叫咩名先叫佢做靚女。

    『哦...好啦...』阿琪就坐低左。

     之後我地都冇咩交流,不過阿琪同佢個friend就有講有笑咁,搞到我好葡萄。

    『其實呢,你係咪好想踢波啊?』個靚女突然問,拿,唔係阿琪唔靚,而係佢靚少少咁解姐。

    『其實...係架!』我望一望阿琪,佢冇咩反應。

    『咁姐,簡單!』唔知點解,個靚女突然起身,拉住我去搵我班同學。應該係驚我阻住佢地看海。

    『喂!你地!』佢拉我過去班同學度,然後大叫。

    『預埋呢條爛攤踢啦!你班仆街!唔撚識尊重下啊!話唔定佢勁過你地tim啦!成班係度蝦一個人!羞唔羞恥啊?』哇,我都估唔到佢會突然鬧9我班同學,超癲!
   
    佢地個個睇到口啞啞,之後咪預埋我踢囉。

    但係我最後發現原來有個人係踢得勁過我架,呢,咪就係lap sap吳確廉個朋友囉。

    佢之前係足球隊有個花名。

    叫『後備殺手』,實力應該有翻咁上下。

    所以我嘅show off 計劃最尾都係失敗左。

    但係,今日最深刻都係個女仔幫我發聲,老實講我真係唔會好似佢咁,我冇佢咁大膽,亦都冇本錢去鬧佢地,翻到去可能比人bully得更勁。

    不過最後我冇問佢叫咩名佢就唔見左人,所以我唔知佢叫咩名。

    睇黎,要搵日好好咁多謝你。
已有 0 人追稿