美食廣場內-

毛里平坐了40分鐘左右,卒之看到Suki的身影,立即揮手呼叫她。

Suki坐下後,第一句說話就是:「不如你先停咗篇影評,搵處地方匿埋一段時間,等到件事丟淡咗再算。」

毛不是沒有想過停寫影評避開鐡漢,但難得才有的穩定收入便要泡湯了。

想到這裡,毛長長的嘆一口氣:「唉……」





Suki看到他的樣子有點不忍:「仲有另外一個辦法,就係由我地編輯部出面,約鐵漢出嚟傾,睇下佢要咩條件先肯放過你?」

毛:「呢個方法好吖,有乜嘢唔掂咪傾到掂囉……」

Suki:「但係……如果你係女嘅話都有得傾嘅……佢出名咸濕,又大把錢!講美色,你係男人,兼且又老又唔靚仔!講錢仲嘥氣,就算佢只係收你幾十萬,你都攞唔出嚟㗎啦。」

毛里平給說得無地自容。

Suki:「而且……鐡漢睇中咗我好耐啦,都明示同暗示過好幾次,叫我俾佢攪一次。我驚由編輯部出面,佢會以呢様嘢做為條件……」





毛里平激動地道:「唔得!你千祈唔好咁做呀……我寧願俾佢同佢班手下輪流屌屎忽,都唔要你比佢屌呀!」

由於毛的聲線十分大,說的內容又出位,所以其他食客都注視著他們,雖然剛過了繁忙時間,人流未算十分多,但也夠二人尷尬了。

Suki壓低聲線道:「你咁緊張做乜啫,如果我俾鐡漢攪完你就可以甩心,你應該高興先係㗎!」

毛捉著Suki放在檯上的雙手:「如果為咗我,要你俾第二個男人屌,我成世都會唔安樂。」

Suki掙脫雙手,滿面通紅的低下頭來不發一言。





看著面紅紅又帶點害羞表情的Suki,毛里平直覺眼前的女孩比平時更加可愛,不自覺輕喚了一聲:「Suki……」

只見Suki吸了一口氣,抬起頭來,雙眼直視著毛里平道:「我又唔係你邊個……你咁緊張…究竟…你係咪鍾意咗我?」

毛正想回話,但剛好看到Suki身後的方向,美食廣場的入口處,出現了一張有點熟悉的面孔。

那不是常在鐡漢電影中出現,其中一位身手了得的武師?記得其藝名好像叫星火,剛才也有份在家中樓下追他。

毛聲音發抖:「殺…殺到嚟啦……」

Suki尋著毛的視線轉身看去,嚇了一跳的她回頭道:「佢係鐡漢嘅人!」

身為娛樂版編輯的她,當然知道來者是誰。

毛低下頭,不想被星火發現。





但事與願違,星火明顯是向著他坐的位子走過來。

毛:「而家點算?」

六神無主的Suki沒有回答他問題。

星火越行越近,向著毛里平道:「撚様,卒之搵到你嘞,頭先走乜撚嘢呀?知唔知鐡大哥係專誠搵你㗎!」

毛知道逃避不是辦法,何況在Suki面前也不能太過窩囊。

説到底他也是個影評人,最少看了過千部動作電影,當中至少有三百種方法,可以令他走出現在的困境。

他打算在星火走到面前時,出奇不意地站起來,以雙指攻擊人體最脆弱的器官——雙眼,待對手失去視力時,再以手刀劈後頸,令對手暈死過去,那便能帶著Suki離去。





他算計著星火的距離。

五步!

四步!

三步!

兩步!

一步!

到了!