「夏巧莘…」凌御生柔聲嗌道
夏巧莘僵住了,佢怕凌御生真係會做啲咩
「嗯?」夏巧莘輕聲嗯咗一聲
「你係咪中意我?」凌御生一開口就係呢個問道
喺佢懷中嘅夏巧莘鬆咗一口氣,但同時又莫名其妙地緊張起嚟
凌御生係認真咁問,唔係平日同佢「打情罵俏」嗰種語氣,完全係認真模式咁樣問
夏巧莘完全唔知點答呢個突如其來嘅問題
「係又點唔係又點…」夏巧莘輕輕咬唇,好不容易咁吐出七個字
凌御生若有所思咁笑起嚟,一下子就將夏巧莘推倒喺床上,夏巧莘一時比唔切反應,凌御生直接捉住佢雙手嘅手腕將佢固定着
縱使睡房閂晒燈,但因為喺凸出去嘅窗檯嘅位置冇窗簾,所以有少許外來嘅光照入嚟,縱使仍然喺黑暗中,但夏巧莘都可以睇到少少凌御生臉上嘅表情


「係嘅話咪好。」凌御生一臉自信,由佢嘅眼神、笑容中都可以見到佢嘅自信
「咁唔係嘅話呢?」夏巧莘微微一笑反問道
「喺你係咪中意我呢個問題中,答案只有你係。」凌御生理直氣壯咁講道,語氣中沒有絲毫猶疑
「你咁肯定?」夏巧莘微笑道,側側頭
「嗯,因為你親口講過。」凌御生淺淺一笑講道
「我幾時講過…」夏巧莘愕然地收起咗笑容
「就喺你飲醉咗喺度瞓嗰晚,你親口同我講你中意我。」凌御生坦白講道,完全冇打算要隱瞞
夏巧莘冇出聲,腦海中記起佢講邊晚,佢記得第二日醒咗仲問凌御生係咪講過話佢都中意佢,但凌御生就話佢記錯咗
「咁…所以呢?」夏巧莘咬一咬唇,心中緊張起嚟,小手用力咁捉實凌御生嘅腰間,衣服都皺了
「唔重要。」凌御生講咗一句,夏巧莘叫緊牙聽着淚,眼淚滲緊出嚟令眼眶濕潤起嚟


原來自己對凌御生嚟講並唔重要…凌御生果然係挽自己…係自己咁傻先會真係動咗真心中意佢…
「因為重要嘅係我都中意你。」凌御生喺夏巧莘嘅眼淚欲湧出嚟前就講咗出嚟,「夏巧莘,我中意你。」
「你講真㗎…?」夏巧莘以為自己聽錯,再問了一遍
「講真㗎。」凌御生用肯定嘅語氣再講一次,「我中意你。」
夏巧莘聽到之後,眼淚喺眼眶打轉,夏巧莘抽抽鼻子
凌御生這才驚覺夏巧莘喊咗出嚟,頓時鬆開咗夏巧莘嘅手,坐喺床上拉起夏巧莘到自己懷中安慰哄着
「做咩喊啦?」凌御生嘅語氣之中夾雜了少許慌張,「唔想我中意你?」
「唔係呀唔係呀!」夏巧莘連忙搖搖頭,就好似一隻小貓一樣躲喺凌御生懷裏,「想呀!我好想你都中意我啦!只係一開始聽到你話唔重要,然後又話你中意我,一下子起伏的好勁所以先…」
「小寶貝,我中意你,你唔知㗎咩?」凌御生溫柔一笑,伸手替夏巧莘抹去臉上嘅淚水
「唔敢肯定嘛…」夏巧莘黏住凌御生,伸手攬住佢嘅腰


「咁咪同你一樣囉~我都唔敢肯定你中意我,直到嗰晚你講。」凌御生輕撫着夏巧莘嘅臉頰
「到底我嗰晚飲醉咗仲講咗啲咩啦?」夏巧莘總覺得自己講咗好多本來唔應該話比凌御生知嘅嘢,可憐兮兮的抬頭望凌御生
「冇咩特別,都只係話我知你好中意我之類。」凌御生甜笑起嚟
「唔~」夏巧莘害羞地往凌御生嘅懷裏躲,手掩着臉,「我都蝕晒底比你啦!比你錫咁多次~」
「講到好似我冇蝕底咁~」凌御生無奈一笑,然後掐住夏巧莘嘅臉頰,「明明你先係成日借意主動錫我嗰個…」
「但你成日都突襲我啦!」夏巧莘捉住凌御生嘅手
凌御生伸手抬起夏巧莘嘅下巴,然後低頭就吻上佢嘅小嘴,夏巧莘嘅手輕輕捉住凌御生嘅衣袖

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link