「你個BB搵你呀~」軒軒壞笑道,然後將手機遞比凌御生
凌御生聽到之後,本來嘅愁緒都被瞬間抹走,忍不住笑意揚起了嘴角
凌御生接咗電話,其他三人都一臉期待咁望住凌御生
「咁快又打比我嘅?瞓醒啦?」凌御生嘅語氣喺一秒間就變得溫柔起嚟,軒軒同阿文聽到之後都愣住了
心諗呢個真係佢地識嘅凌御生咩?
「瞓咗陣就醒咗啦,又瞓唔番…」夏巧莘嘟起小嘴講道
「咁你打比我係做咩呀?咁快又掛住我啦?」凌御生一講,軒軒同阿文愕然得下巴都快要跌落嚟
目睹一切嘅鍾家豪只好無奈笑笑,因為夏巧莘同凌御生之間嘅互動佢都已經見過好多次,早已見怪不怪
「唔…冇喎!」夏巧莘口不對心咁講道,明明心入面已經掛住凌御生掛到死,恨不得痴住凌御生,「邊個掛住你呀?你做緊咩呀?」
「夾緊Band呀…」凌御生抬眼望一望鍾家豪


「咁我唔阻住你啦…」夏巧莘咬咬唇,微微一笑,「你會再搵我㗎可…」
「會啦,我之後再搵你啦好冇?」凌御生無奈咁苦笑起嚟
「嗯,咁好啦拜拜~」夏巧莘甜甜一笑,然後掛了電話
凌御生拎住電話,一副若有所思嘅表情
鍾家豪留意到凌御生表情嘅變化,當下冇講出嚟,直至佢地練完Band
「喂,飲唔飲嘢呀?」鍾家豪問凌御生
「嗯,好呀…」凌御生笑一笑,但呢個笑容一瞬即逝
凌御生坐喺長櫈上等鍾家豪喺便利店番嚟
「咔!」鍾家豪番到嚟嘅第一時間係喺膠袋入面拎出一罐啤酒,開咗一罐遞比凌御生,「嗱。」
「你今日做咩咁好死同我飲酒呀?」凌御生接過啤酒,微微呷咗一啖


「你仲猶疑緊?校花嘅事。」鍾家豪直接就問道,凌御生完全唔覺得意外,只係低頭苦笑
鍾家豪坐喺凌御生旁邊,將手上飲咗一大啖嘅罐酒拎住,人靠住椅背坐,微微仰起頭,雙手放鬆咁放咗喺雙腿之間
喺凌御生開口回答前,鍾家豪微微揚起嘴角,再次開口
「你嗰次咪問我中意邊個嘅~」鍾家豪打算坦白講比凌御生知道,「我宜家話你知…」
凌御生望向鍾家豪,心中有點期待佢嘅答案,因為佢從來都冇聽過鍾家豪提起過佢中意嘅女仔
「我有一個中意咗6年嘅人。我中意嘅人,係一個…人人都會對佢一見傾心嘅人,佢有外在美嘅同時亦有內在美,係一個好吸引人嘅女仔嚟…」鍾家豪冇直接講出「夏巧莘」嘅三個字,只係一直形容着
凌御生聽着鍾家豪嘅描述同時,亦喺腦海中描繪緊少女嘅模樣
「佢好善良,無論對邊個都好,佢都會對佢好,就算對方係壞學生,佢都會帶着笑容同溫柔去溫暖大家嘅心。」鍾家豪繼續講落去,凌御生開始似乎聽明白,臉上嘅表情無法掩蓋佢心中難以言喻嘅感覺
鍾家豪留意到凌御生嘅表情變化,然後笑咗一笑
「你估到啦?」鍾家豪提起酒罐,呷咗一啖,然後又道,「嗯…嗰個我中意咗6年嘅人,係學校嘅校花,係你可以用條命去保護、你深愛嘅嗰個女仔夏巧莘。」


凌御生臉色一沉,不自覺就用力掐住酒罐,啤酒罐都凹咗啲
「我講比你知,唔係要同你爭,因為由一開始我就冇爭嘅打算。」鍾家豪苦笑道,「我冇本事去爭,亦冇辦法爭贏你…所以我冇打算要同你爭,話你知係因為想你知道,想坦白講你知去到呢一刻。你對佢嘅係愛,我對佢嘅只係普通嘅暗戀,中意咋。」

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link
已有 0 人追稿