凌御生見到夏巧莘嘅反應,心中有啲疑惑,於是側側頭望佢
「點解咁心動嘅…?」夏巧莘喺心中反複問道,「點解會咁心動嘅…?」
夏巧莘抬起頭望向凌御生,然後笑一笑
凌御生伸手摸一摸夏巧莘嘅頭,微微一笑
眼前呢個男仔,對自己永遠都係如此寵溺,彷彿天塌落嚟都好,佢都會為佢擋
「佢嘅一切,我一個人獨佔住就好…」夏巧莘合起雙眼,放鬆個人,將頭靠喺凌御生嘅博頭上,嘴角帶着微微嘅笑容
凌御生微微看向夏巧莘,微微的溫柔一笑,指腹輕掃過佢嘅臉頰
夏巧莘抬起頭,歪着小腦袋望凌御生,輕輕抿唇
「冇嘢。」凌御生溫柔地笑着,搖搖頭道
「凌御生你真係好討厭…」夏巧莘彷彿係喃喃自語一樣柔聲道


「點解?」凌御生嘅手放喺夏巧莘嘅背,溫柔地將夏巧莘攬入懷中
「你一時一樣呀…」夏巧莘嘅雙手緊扣着,「你一時又話唔會離開我,但轉眼又要推開我…」
「應承你以後唔再離開你。」凌御生伸出手指尾
「真係應承定係假應承先?」夏巧莘坐起身,望住凌御生微笑問道
「真應承。」凌御生肯定咁回答道,「真係唔再離開。」
「信你啦~」夏巧莘都伸出手指尾,輕輕扣住凌御生嘅手指尾
去到醫院附近嘅巴士站時,兩人一齊落車
上到夏巧莘媽媽所在嘅病房時,喺真係踏入病房前,夏巧莘喺外面拉住咗凌御生
「執好啲個樣先。」夏巧莘嘅雙手捧住凌御生嘅臉頰,然後縮手嘅同時指住凌御生嘅裇衫,「攝番好件衫先~」
凌御生頓時將裇衫攝番入去褲頭裏


「行啦!」夏巧莘主動地伸手拖凌御生,拉住佢行入病房
行到入病房嘅時候,喺窗邊嗰張床嘅床邊已經坐着夏學謙,媽媽坐喺床上,手上拎住夏學謙前日先拎比佢嘅小說,笑得好開心
夏學謙見到夏巧莘嚟到,而且仲帶多咗個人嚟
媽媽見夏學謙突然靜咗落嚟,便向住令夏學謙一言不發嘅方向望過去
「媽媽,我嚟啦~」夏巧莘鬆開咗凌御生嘅手,小跳步行到去床邊坐低
「呢位係…」媽媽嘅目光停留喺凌御生身上
「佢係凌御生,係我男朋友…」夏巧莘羞澀地微笑起嚟
「阿姨你好。」凌御生微微笑,點一點頭
「咁睇嚟你就係嗰個令我地學謙都搞唔掂嘅人啦~」媽媽開玩笑道,望住凌御生笑起嚟
「夏學謙成日亂講嘢…」夏巧莘瞪住夏學謙


「後生仔,又高大又靚仔。」媽媽對凌御生嘅稱讚,令凌御生有啲唔好意思
「都要我有眼光…」夏巧莘鼓起兩泡腮道
「你最有眼光啦~」凌御生無奈地笑道
「係呢,你屋企係做生意嘅?」媽媽突然問凌御生
「哦,係呀。」凌御生點點頭
「唔知你屋企係做咩生意㗎呢?」媽媽突然再問,「阿姨冇咩特別意思,只係想了解一下。」
「唔緊要。」凌御生微微一笑,但心中有啲唔知點算好,但再隱瞞落去都冇意思,因為夏巧莘遲早都會知,「我屋企係開酒吧,喺蘭桂芳做酒吧生意。」
夏巧莘猛然回頭,凌御生嘅話好似比咗啲咩提示夏巧莘一樣
夏學謙望住夏巧莘,心諗:「睇嚟家姐咩都唔知…」
夏巧莘望向夏學謙嘅時候,夏學謙下意識慢慢移開視線撇開臉
凌御生彷彿有啲心虛,唔咁直視夏巧莘
當佢地離開醫院嘅時候,兩個男嘅都因為唔敢望夏巧莘而一直避開視線

IG Link: https://www.instagram.com/nd_cotttoncandy/?hl=zh-tw
回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link