[愛情走糖故]兩個人心底中不為人知嘅秘密,成為兩個人間嘅牽引: 154.第一次見他醉了

「掛住你嘛～」夏巧莘甜甜地笑起嚟

凌御生鬆開咗手之後行到去長櫈坐低，伸手遞向夏巧莘

夏巧莘行到去凌御生隔離先發現凌御生喺身旁放咗幾罐啤酒，但唔係佢地平時飲開嗰個牌子

「唔係我地平時飲開嗰個嘅？」夏巧莘拎起啤酒罐

「試下新嘢唔好咩？」凌御生講完之後，喺夏巧莘嘅臉頰上錫咗一啖



「好～你講咩都好～」夏巧莘點點頭，然後開咗一罐，飲咗一啖

「我都話我寶貝最乖～」凌御生輕輕地掐咗夏巧莘嘅臉頰一下

夏巧莘呷咗一啖，凌御生嘅手溫柔地住夏巧莘嘅手

「記唔記得呀，我地第一次飲酒，就係喺呢度…」凌御生抬起頭望住天空

「記得呀～同你嘅回憶全部都記得～」夏巧莘微微抬頭望向凌御生，「樣樣都記得清清楚楚！」



「咁你記唔記得你飲醉酒同我表白啦？」凌御生嘅視線移向夏巧莘

「唔記得～」夏巧莘瞬間就撇開臉，「我冇呀～」

「你有呀！」凌御生攬住夏巧莘，下巴放喺夏巧莘嘅頸窩上，「我記得你有！好肯定你有添呀！」

夏巧莘冇出聲，因為佢都唔知嗰晚自己到底講過啲咩

「你一早知我中意你嘅…」夏巧莘嘟起小嘴



「本來我都係估估下㗎咋…」凌御生放低已經飲完嘅空罐，「點知你會講咗出口先啫～」

「但係，係你表白先㗎喎…」夏巧莘再飲多咗啖就回頸望向凌御生

夏巧莘感覺到個罐輕飄飄的，就知道佢又唔經唔覺咁飲咗一罐

「我認係我表白先呀～」凌御生笑了笑，然後望到夏巧莘嘅臉頰已經起了淡淡嘅紅霞，「你塊面紅啦開始。」

「所以我唔飲咁多啦～」夏巧莘笑道，「費是飲到醉一醉咁番屋企啦～」

兩個人只係純粹好似談心一樣傾下計，夏巧莘前後飲咗兩罐，其餘嗰四罐都係凌御生一個人飲晒

凌御生嘅臉頰泛起紅霞，佢側着頭靠喺夏巧莘嘅博頭上，輕輕合上雙眼

夏巧莘感覺到喺博頭上嘅重力，緩緩望向凌御生，見到凌御生靠喺自己嘅博頭上好似瞓着咗一樣



「嘻嘻…傻瓜…」夏巧莘望住凌御生時嘅眼神既溫柔又幸福

你對一個人着感覺並唔係在於你對待佢嘅方式，而係在於你望佢嘅眼神

當你中意一個人嘅時候，愛意都會喺眼神中溢出；當你討厭一個人、恨一個人嘅時候，你連望佢嘅眼神都夾雜咗唔耐煩

「都唔知你有咩咁吸引啦…」夏巧莘細聲地講道，「不過，係你就得啦～」

此時凌御生突然坐起身，然後定睛望住夏巧莘，夏巧莘側側頭，凌御生突然伸手放到夏巧莘嘅後腦勺，然後直接吻上

夏巧莘比凌御生突如其來嘅舉動嚇咗一嚇，心中嘅小鹿隨即亂跑亂撞

「點鮮我男朋友會咁可愛㗎～」夏巧莘望住凌御生心諗道，不自覺地甜笑起嚟



因為酒精再加上羞澀影響，夏巧莘嘅臉頰又紅了幾分，喺橙黃色嘅燈光下睇起嚟又更迷人

「我中意你。 」凌御生一臉正經咁講道

「我知。」夏巧莘望住凌御生甜甜一笑，心諗：「飲醉啦？」

「我真係好～中意你～」凌御生一臉天真地講道，「唔準離開我知唔知？」

「知…」夏巧莘點點頭，第一次望住飲醉咗嘅凌御生感覺特別新鮮

「你中唔中意我？」凌御生拖住夏巧莘嘅手，「中意定唔中意？」

「中意，最中意…」夏巧莘溫柔地笑，手輕輕放喺凌御生嘅臉頰上，臉頰嘅溫暖傳到夏巧莘嘅手心，「淨係中意你…」

「講個秘密你知…」凌御生湊近夏巧莘，距離近得可以聽到彼此嘅呼吸聲，「我一早就知你會中意我啦…」



夏巧莘一臉愕然咁望住凌御生，無奈咁笑了笑

「講咩呀…唔！」凌御生冇比夏巧莘講話嘅機會，直接堵上佢嘅唇

凌御生鬆開手之後隨即拉起夏巧莘，夏巧莘一頭霧水，只係跟住凌御生嘅步伐，同凌御生面對面企

「夏巧莘…你知唔知我中意你啲咩…」凌御生勾唇一笑，夏巧莘嘅心瞬間跳動起嚟

「嗯？」夏巧莘抿一抿唇，微微搖頭

「我中意你…」凌御生攬住夏巧莘講道，夏巧莘一臉期待到底凌御生會作出啲咩回答






IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link