[愛情走糖故]兩個人心底中不為人知嘅秘密,成為兩個人間嘅牽引: 166.我們之間是緣份〈完〉

要不是你出現 我一定還在沉睡 喔 絕望的以為 生命只有黑夜

喺媽媽過身之後，夏巧莘出現之前，凌御生嘅生命再冇光照亮，曾經凌御生以為自己一生都會係咁樣唔會有黎明嘅到來

係夏巧莘嘅出現，為佢驅走黑暗，照亮佢…

對凌御生而言，夏巧莘係佢嘅天使佢嘅光，若然冇夏巧莘嘅出現，凌御生嘅生命中為佢帶嚟希望嘅光可能唔會再出現

沒有誰能取代你在我心上 擁有一個專屬天使 我哪裏還需要別的願望



凌御生唱完最後一句，彈到最後一個音之後，緩緩企起身向台下嘅觀眾鞠躬

夏巧莘呆咗兩秒之後，記得要喺天台見面，便轉身喺人群中擠出去

「巧莘你去邊呀？」嘉怡問道

「我出一出去！」夏巧莘講完之後又繼續喺人群中行出去

凌御生番到後台之後，即刻就拎埋個袋上去天台見夏巧莘



幾經辛苦終於由禮堂嘅最前方去到禮堂嘅最後方，夏巧莘推門出去，跑向唯一一條可以上到天台嘅樓梯，向住天台跑去

凌御生唔洗逼開人群，所以比夏巧莘更快到達天台

「佢會嚟㗎可…」凌御生將啲嘢放喺長櫈上，心中正咁樣諗嘅時候，天台嘅門「咔嚓」一聲打開咗

凌御生頓時企起身回頭望向天台嘅門，夏巧莘推開門嚟到，跑上嚟嘅佢仍然喘着氣

夏巧莘閂上天台嘅門，朝着凌御生急步行咗兩步之後就小跑起嚟，直接撲向凌御生



「中意份聖誕禮物嗎？」凌御生溫柔地問道

「中意，好中意！」夏巧莘甜甜地笑起嚟，呢一刻嘅佢笑容特別燦爛，「難怪你咁神秘啦～」

「咁我覺得好似欠你一個正式嘅表白嘛～」凌御生嘅手輕輕地掃過夏巧莘嘅臉頰，「你唔係我嘅天使咩？」

「你話呢？」夏巧莘笑起嚟，好似得到心愛糖果嘅小朋友一樣開心

「你當然係我嘅天使啦～一直都係…」凌御生溫柔地推開了夏巧莘，然後捉住佢嘅雙手，「揀呢首歌係因為歌詞全部都係我嘅心聲，冇你嘅話，唔會有今日嘅我。冇你嘅話，我嘅世界仍然係黑暗一片…」

夏巧莘嘅心不禁緊張起嚟，因為凌御生好認真咁告白

「你嘅一切都好好，你嘅一切我都中意…你真係改變咗我好多…」凌御生講到呢度，不自覺地露出笑容笑起嚟，「多謝你接受我嘅背景、我個人，我嘅一切。我的確曾經卻步，因為真係好怕你受到傷害，特別係嗰次，我真係好驚…我猶疑咗好耐，但係我老豆點醒咗我…我知道要珍惜同你一齊嘅時間先啱，將來嘅事將來先算啦～有你喺我身邊，每一日都好好，每一日都係晴天…」

凌御生對夏巧莘嘅笑容永遠都係咁溫柔，所有嘅溫柔都只比夏巧莘一人，寵愛亦只寵夏巧莘一人



「雖然你已經係我女朋友，不過…」凌御生捧住夏巧莘嘅臉頰，「我應承你，我會對你好！你負責任性，我負責包容。只要唔背叛我，就咩都得。」

「真係？我真係任性㗎啦～」夏巧莘試探道

「嗯！真係！」凌御生點頭

夏巧莘掂起腳尖，輕輕地喺凌御生嘅唇上落下一個既甜蜜又溫柔嘅吻

「咁以後你就係我㗎啦！要聽我話呀～」夏巧莘伸手摸一摸凌御生嘅頭

「知道啦知道啦～」凌御生望住夏巧莘嘅目光總係如此溫柔

「多謝你…多謝你愛我…」夏巧莘攬住凌御生



「嗯，我都多謝你…」凌御生微笑道

只要兩個人係真心相愛，彼此嘅心意一定會相連

兩人成為彼此嘅光，無論點樣都好，都懷着一顆對對方堅信同肯定嘅心

喺愛情之中，從來冇公式可以記，真心係唯一可以拉近彼此嘅方法

遇到真心愛嘅人要珍惜對方，多一份堅信，多一份肯定，先可以行到更遠嘅路

…

凌御生同夏巧莘嘅故事就同呢度啦！多謝大家支持～

記得留言比我同埋睇我其他嘅故喔～



想知道我嘅小動態記得Follow我IG呀！！！




IG Link: https://www.instagram.com/nd_cotttoncandy/?hl=zh-tw

回應link: https://docs.google.com/forms/d/e/1FAIpQLScB_-FcIiKv9bnDe_pWTFd9B7sEtdiGEnKZoJeq5rjmK9JUZA/viewform?usp=sf_link