《毒L和初戀相識的日子》: 第四章 合作

「大家match完之後，數吓張紙有幾多個圈。最多圈戈個，係冇獎品嘅哈哈。希望大家可以透過呢個遊戲更了解你地嘅同學啦。」
「跟住第二個遊戲就叫層層疊。呢個遊戲就要大家合作喇。一陣每組會有一疊報紙，一把鉸剪，一枝膠水。大家要喺十五分鐘之內盡可能將報紙疊到最高，而且要喺我度高度之前唔跌嘅。疊得最高戈組有獎勵，而最矮戈組就要有懲罰喇。大家有冇問題？如果冇每組組長就出嚟拎物資啦。」

「死喇，我呢方面完全唔掂……」我心想。
「Haha, 呢D手作嘢我完全冇天份。」Winnie話。
「Hey guys, 一陣交比我啦。」家怡話。

「好喇。大家準備好未？祝大家好運。三，二，一，開始。」

「Hey Guys, 阿Paul同Joseph負責接立體長方形吖，之後晴晴，Winine同我就負責痴實佢，最後一齊疊上去大家o唔ok?」家怡問大家。


「ok!」各人回應。
十分鐘之後，我地個作品完成喇。目測都有兩米。
眼睇其他組仲努力緊，有啲組仲未成形，有組全男班仲求其將報紙捲到一枝竹咁，再固定底部。
「Hey Guys, well done!」家怡對大家講。
「好彩有你昨！」Paul回應
晴晴有D唔耐煩，偷偷打咗阿Paul一下。
「全靠你。」Winnie話。

「最後五秒，四，三，二，一 。好，夠鐘，大家停手喇。首先度第一組。」



第一組用唔哂D報紙，可能唔夠時間。
Billy sir拎去卷呎量度。
「93厘米。好，寫喺黑版先。」

第二組係我地組。
「嘩，呢組好高喎。等我度下，203厘米。」

第三組就係捲到D報紙成枝竹戈組。到最後關頭，竟然頂唔住，跌咗落地下。

「真係唔好彩喇你地，不過都要度。6厘米。」



第四，五，六組結果分別係110，133，同121厘米。

可能大家都冇乜天份。

「恭喜第二組，呢份係你地嘅禮物。」
係一大包「旺旺仙貝」...

「多謝阿sir。」Winnie回應。

「跟住請第三組所有同學出嚟。」

「懲罰係跳一分鐘 gangnam style。好，開始。」

音樂隨即響起。「Eh, sexy lady


오-오-오-오 오빤 강남스타일....」

大家都係咁喺度笑，五個男人係度跳，真係幾好笑嘅。

「希望大家今日之後對身邊嘅人了解多D啦。下個星期再見。」Billy Sir對我地講。

「Hey Guys, 我住上水，你地住邊？」
「大埔。」阿Paul同晴晴一齊回應。
「屯門。」Winnie回應。
咦，竟然同我一樣。
「我都係屯門。」
「Oh I see, 咁我走先喇，聽日見。byebye.」
「Bye Bye~」各人回應。
「喂，送人番屋企喇Joseph哥，我地都走先，聽日見啦。」
「拜拜。」晴晴對我地講。


「聽日見。」Winnie回應。
就係咁，我同Winnie一齊走。




第一次單獨同女仔一齊放學，好緊張。