《毒L和初戀相識的日子》: 第六章 印象

第六章 印象

話哂第一次單獨同女仔食飯，點都要執執個look佢，比個好印象人地。

我一早起身，梳洗後仲特登gel吓個頭。比着平時，個頭打哂風都冇所謂。因為毒L一向唔理儀容。

「嘩，乜你gel頭呀，陳旭祖。」老母對我講。

「係呀，話哂都番大專，當新開始囉。」



「加油喇你。」

時間係十一點十五分，我已經喺譚仔門口等Winnie。

「咦，好準時喎，男班長。」

突然有人喺我身後拍我膊頭。

「哈哈，你都冇遲到吖。」



「入去囉。」

「你食咩？」Winnie問。

「墨丸豆卜米線三小辣。你呢？」

「我要腩肉十小辣啦。」

譚仔阿姐:「次乜野？」



「墨丸豆卜米線三小辣。飲凍檸茶。」

「我要腩肉米線十小辣，都係凍檸茶。」

譚仔阿姐:「覆一志先。勿演豆扑麻喇深小喇。懶郁麻喇實小喇，加領悲凍L茶。」

「哼哼，乜佢D口音咁攪笑 。」Winnie話。

「你冇嚟食過咩？」我驚訝地問。

「比較少嚟，因為米線我麻麻地。」

死喇，琴日妳又唔講...

「咁下次你決定去邊度食，我... 我唔係好識揸主意。」



「唔得喎，男仔要有主見。」

「咁其實... 妳中意食咩？除咗豬柳蛋。」

「好多㗎喎，意粉，pizza, 壽司，普通茶記，什至 大家樂戈d都中意。」

咁多都tip唔中.....

「咁下次.. 我識做㗎喇。」

「算你啦。」

話咁快，兩碗米線同飲品都嚟咗。



「我想食你D墨丸，交換？」Winnie問

「可以呀。」

直到食完，都冇傾過開sem飯d野。

「走囉。」Winnie同我講。

「嗯。」

跟住我地就撘巴士番I大。







經過今次食飯，內心深處出現咗微秒嘅變化。