《毒L和初戀相識的日子》: 第二十五章 心不在焉

第二十五章 心不在焉

今日係星期一，照舊約咗Winnie喺巴士站等，再一齊番I大。

「早晨阿，男班長。」Winnie今日竟然早過我喺巴士站等。

「早晨阿，今日咁早嘅？」

「係呀。」



番到I大之後，今朝係梁sir堂，亦都係佢請我地食開sem飯嘅日子。梁sir分咐我同Winnie一陣十一點行去學校附近嘅PHD買外賣番嚟。晴晴,阿Paul, 阿俊,Jenny,家怡,Chirsty同阿添都會去幫手拎嘢。

我同Winnie行上班房，就開始上堂喇。課堂入面佢好似心不在焉咁。

「妳係咪有心事？」我單刀直入問Winnie。

「冇阿，有啲攰姐。尊心上堂啦，男班長。」Winnie回應。

其實，妳坐我隔離我又好難會唔留意妳。



時間去到十一點，我地一行九人一齊行去PHD。喺行去嘅路程，我地傾咗陣閒計。

「Hey guys, 估唔到梁sir咁豪喎。」家怡對眾人講。

「話哂都係我地班主任吖，對我地好啲都正常嘅。」阿添回應。

阿添係一個身型比較瘦嘅男仔，我同佢唔係好熟。

「唔一定㗎，I大好多教授都唔會咁，梁sir算好好喇。」阿Paul回應。



「I think so. 咁決定好叫啲咩食未？」家怡問大家。

「梁sir交咗比男女班長決定嘛。」晴晴回應。

「咁你兩個決定好未？」Jenny問我同Winnie。

「Winnie已經決定好。」我回應。

此時，Winnie好似沉思緊一啲嘢，聽唔倒我地講嘢。

「Winnie, 咁妳諗住叫咩食？Winnie, Winnie...」好有氣質同高貴嘅Chirsty 問Winnie。

Chirsty係第一堂英文堂練Speaking嘅組員。

「做咩？」Chirsty叫咗三次之後Winnie終於聽倒。



「佢地問你諗住買咩食同份量。」我同Winnie講。

「我諗住叫八個四人餐，有八個大pizza，十六個飯或者意粉，八個小食，同三十二個飲品。你地覺得點？」Winnie回應。

「夠哂食啦應該。」Jenny回應。

「係囉。計埋阿sir有三十一個人。」阿俊和應。

「夠唔夠錢比㗎？」阿Paul問我。

「梁sir比咗張卡我去碌。」我回應。

我地去到PHD，Winnie叫我幫手落order, 而佢自己就同晴晴行咗唔知去邊。



佢地十分鐘之後番咗嚟，唔知佢地搞咩呢。

我地等咗四十五分鐘，終於拎得外賣，九個人啱啱好拎哂啲嘢。

番到I大，八個四人餐好快已經比我地三十一個人清哂。不過Winnie好似只係食咗好少嘢，喺其他同學清緊垃圾戈時我叫咗Winnie去班房出面。

「Winnie，妳今日做咩？」我問。

「冇嘢呀。」Winnie搖搖頭。

「妳連最中意食嘅pizza都食咁少，一定有啲嘢。」

「真係冇嘢阿，男班長。你唔好咁多心啦，我今日冇咩胃口姐。」Winnie打咗我一下，個膞頭。

「妳有嘢記得要同我講。」



「得喇，都唔知邊個有嘢又唔肯講。」Winnie扁起嘴咁回應。

「咩喎......」

「行喇，我地去上全人堂喇。你做咗功課未？」

功課係300字講抽到戈位同學嘅優點篇文。

「一早做咗啦。」我回應。

只係將講嘅嘢打番出嚟姐。

「一陣交換睇吓？」Winnie問。



「好阿。」









我睇得出Winnie有啲心事。