《毒L和初戀相識的日子》: 第二十八章 虛驚一場

第二十八章 虛驚一場

戈個人真係一個男仔，我好失望。睇真啲，佢熟口熟面，好似係學生會個主席。

Winnie同佢一齊離開咗校門。

而我，就呆滯咁企咗喺度。

「喂，你冇嘢吖嘛？」阿俊問我。



我心情好複雜，想講嘢，但唔知點解講唔倒出口，開唔倒聲。

「你唔好亂諗嘢啦，人地學生會主席阿David有女朋友㗎喇，叫Zoe。Zoe就快生日，David想比個驚喜Zoe，所以搵咗Winnie夾吓點做。」阿俊拍住我膊頭講。

「Zoe同Winnie係好朋友兼中學同學，而我同David都係好熟嘅中學同學，你自己睇。」阿俊補充。

阿俊用電話開咗David個ig比我睇, 有好多David同一個女仔嘅合照，個女仔我好似喺Winnie個ig見過，肯定就係Zoe。

「所以話咗你，明明咁中意Winnie，又唔去馬。一陣真係有其他男仔追佢，到時冇人可憐你。」阿俊同我講。



「我識做㗎喇！」我好有把握地回應阿俊。

「祝你好運啦，Joseph！」

(你阿媽搵你你阿爸搵你你阿婆搵你你阿嫲搵你你阿爺搵你) 阿俊電話響。

好搞笑嘅電話鈴聲。

「喂，Jenny搵我呀，我走先喇，你加油，掰掰！」



「掰掰！」

睇嚟我都要做番啲嘢。

今日得我自己一個撘巴士番去，同樣約四十五分鐘嘅車程唔知點解過得好耐。

我番到屋企食完飯就落去屯門公園散下步，戴住耳機。中途，我突然有咗揾Winnie食糖水嘅念頭。於是，我即刻停埋一邊Whatsapp佢。

Winnie, 番咗嚟未？不如依家一齊去食糖水~？(20:58)
Winnie輸入中...









冇嘢刺激吓自己，都唔肯行快一步。