《毒L和初戀相識的日子》: 第三十六章 靠近

第三十六章 靠近

「喂？」

「好吖，咁我依家過嚟吖。」

Winnie接完個電話之後，就趕住要走喇。

「男班長，今日你要自己番去喇。我要去荃灣幫個小朋友補習。」Winnie對住我講。



「好啦，咁聽日見啦。」我表情有啲失落。

Winnie 搣咗我臉頰一下，之後話:「你唔好又咁頹啦，我唔想見倒你咁嘅樣。」

「我邊有頹姐，妳快啲走啦，一陣遲到呀。」

其實又真係有少少失落嘅......

「好啦，咁拜拜喇，男班長。」



「拜拜。」

就係咁，我又自己一個離開I大。行行吓去巴士站，突然有人喺我後面拍我膊頭。

「咦，你個Winnie呢？」原來係Chirsty。

「咩我個Winnie呀？唔好亂講喎。」

「你地日日都痴埋一齊，係人都知你地有嘢啦。」



「有咩嘢？咪好朋友囉。」

「你睇吓Winnie喺ig po咗啲咩喇。我行呢邊喇，拜拜。」

之後，Chirsty向住豪宅區嘅方向行。

而我就開咗Winnie個ig睇。毒L係好少睇呢啲嘢嘅。

Winnie喺ig最新po嘅一張相係星期六，影住書枱寧亂嘅筆記，仲有一盒朱奶喺旁邊，然後寫着:
how to be closer with you🙂?

我即刻like咗佢張相，雖然我唔太明佢講緊啲乜。

到巴士站，上車之後我瞓着咗，但唔知點解瞓極都未番到去市中心。



之後我番到去，到咗夜晚九點幾，Winnie Whatsapp搵我。唔知佢搵我做咩呢？我內心充滿了期待。

Winnie傳送了一個信息







其實，我地已經，越靠越近。