《毒L和初戀相識的日子》: 第三十八章 心事

第三十八章 心事

我有諗過用Whatsapp問Winnie，不過呢啲嘢都係親口問好啲。橫掂我聽日都同佢去出街，所以都係聽日先問了。

到星期三，我一早就起咗身，等住Winnie上嚟。

到咗下晝一點，有人㩒我屋企個門鐘: 叮噹

我打開門就見倒Winnie，佢今日好明顯比平時更悉心打扮過。佢又化咗妝，着咗件牛仔外套同黑色長褲。



我覺得好搞笑，因為都未試過約人去街係約喺屋企門口等。

「早晨喎。」我笑笑口向Winnie講。

「幾多點阿仲早晨。」Winnie回應。

「行囉我地。」

「去邊呀？」



「不如食咗嘢先？」

「好阿，你想去邊度食？」

「冇所謂呀，妳想呢？」

「比啲主見啦，男班長！」

「咁呀，去… 去番上次旺角你朋友家姐開戈間樓上cafe，好唔好？」



「好呀。」

我地落到去巴士站搭車出去，好快就已經到了。喺車程入面，我想開口問Winnie關於琴日佢ig個post嘅事，不過唔敢開口問。

我地上到去間樓上cafe，叫完嘢食之後，我鼓氣勇氣，單刀直入咁問Winnie。

「Winnie呀，我有啲嘢想問妳。」我問Winnie。

「咩呀？你問啦。」Winnie回應。

「妳之前ig咪po咗張相?」

「你講緊早兩日戈個？」

「係呀，係咪發生咗啲咩事？可唔可以同我講？」



此時，Winnie朋友個家姐拎嘢食過嚟。

「阻阻你地先，一個芝士煙肉pizza同埋煙三文魚意粉，另外送多兩件朱古力蛋糕比你地，慢慢食。」Winnie朋友家姐對我地講。

「多謝。」Winnie回應。

「不如食埋嘢先講？」Winnie對我講。

「好啦。」我無耐地回應。








究竟，妳有咩心事呢？