《毒L和初戀相識的日子》: 第八十九章 甜蜜

第八十九章 甜蜜

每個人對甜蜜呢個詞語都有唔同嘅見解，其中一個意思係形容感到幸福、愉快。

今日係sem two week three嘅星期二，番下晝一半到四半，上英文堂。

今日嘅氣溫得八度，我都要着上一件厚褸，再出門口。

我約咗Winnie喺樓下商場等，落到去已經見倒佢。令我覺得意外嘅係，佢竟然戴上我親手織比佢嘅頸巾。



「做咩一見面就笑笑口呀~？」Winnie問。

「條頸巾好襯妳呀~」

「多謝你喎~ 你親手織比我㗎嘛，我覺得好溫暖呀~」

由於我地已經各自喺屋企食咗嘢，所以我地直接搭車番I大。

今日呢科英文堂係作文科，其實我啲英文真係一般般，不過有Winnie坐我隔離教我，我就跟得倒。



「Let's start with some writing exercise. Turn to page sixteen.」Miss Yip對全班講。

呢科英文佢派咗本書比我地，內容都係啲寫作練習。

放break戈陣我去咗個廁所，撞倒阿Paul。

「Joseph哥，Winnie好似戴咗你織比佢戈條頸巾喎~」阿Paul向我講。

「係呀，今日咁凍。晴晴都有戴頸巾啦~」我回應。



「咁又點同吖~？晴晴戈條頸巾係買嘅，Winnie戈條係你親手織嘅。 好sweet呀你地~」

「我都廢事同你講...」

放完break之後，又再學英文作文。之後就放學喇。

「我走先喇，bye bye~」家怡同我地講。

大家都認為佢又約咗阿文。

而我地都番去喇，我同Winnie如常一齊搭車番去。

如果要用一個詞語去形容今日我嘅心情，我相信一定係甜蜜喇。





令我覺得最甜蜜原因，係Winnie會選擇用，同埋用得着戈條頸巾。