第一百章 親自下廚

到第二日係星期五,放學戈時我同Winnie一齊走。

「男班長呀,你聽日得唔得閒~?」Winnie問我。

「得閒呀,做咩~?」

「我想去你屋企煮餐飯比你食,當係多謝你星期日陪咗我全日湊Tommy~」



「唔洗多謝~ 咁妳想幾點上嚟呀~?」

「六點囉,到時見啦~」

「嗯~」

番到去之後,我即刻問老母聽日喺唔喺屋企。

「喂媽子,聽晚你喺唔喺屋企㗎?」



「我去打牌,凌晨先番。做咩咁問呀,陳旭袓?」

「冇呀,我隨口問吓姐。」

「我明嘅,香港地山多平地少,想搵個空間去做想做嘅事都好難。我識做㗎喇,不過你記得做好安全措施呀!」

明明我都冇講啲咩,點解又可以拉到咁遠...

「你啲想像力都幾好...」



「加油啦!」

到星期六,Winnie準時黃昏六點上到嚟。

「叮噹」門鐘響起。

我一打開門,見倒Winnie拎咗幾袋嘢上嚟。

「嘩,洗唔洗買咁多嘢上嚟呀~」我同Winnie講。

「幫手拎去廚房啦,男班長~」

「好嘅好嘅~」

「你出廳等下先啦~ 我開始整喇~」



「洗唔洗幫手呀~?」

「唔洗啦,呢餐話明要多謝你㗎嘛~」

「好啦,咁我出去等妳~」

大約一個鐘之後,我喺廳聞倒由廚房傳出嚟一陣陣好香嘅味。之後,Winnie拎啲嘢食出嚟。

枱上面有兩份煎牛扒同埋一大碗生菜雞蛋沙律,賣相非常吸引。

「食嘢啦,男班長~」

「好正咁喎~」



首先,我品嚐咗一口配上黑椒汁嘅牛扒,肉味濃郁,肉質嫰滑,口感一流。

「估唔到妳煮嘢食咁有水準~」我對Winnie講。

「你中意食就好喇~」Winnie笑住咁回應。

至於沙律,味道都幾好。新鮮嘅生菜配上雞蛋,味道啱啱好,唔會太清淡。

好快已經食完喇,我地一齊執埋啲碗碟入廚房洗。之後,我地出咗廳坐。

「今日多謝妳煮咗呢餐比我食呀。」

「你中意就得啦~」

「中意,我好中意~」



「哼,算你啦~ 咁我落番去先喇。」

「我送妳吖。」

「好呀~」

我地沿樓梯落一層。

「星期一見啦~」Winnie同我講。

「好啦,拜拜~」我回應。

「拜拜~」






今日呢餐飯,係我食過最甜、最難忘嘅一餐飯。
已有 0 人追稿