第一百一十章 打保齡記(上)

過咗兩日,今日係星期四,David約咗我地落堂之後去打保齡。

出席嘅有我、Winnie、David、Zoe、阿Paul、晴晴、阿俊同埋Jenny。

今日我地只係得朝早有堂上,落堂之後Zoe過咗嚟I大搵我地。我地食埋lunch就出發喇。

間保齡球場係喺I大附近嘅富豪花園商場,我地離開I大行過去。



「男班長呀,你有冇打過保齡呀~?」Winnie問我。

「有呀,中學戈時同Leo同埋幾個friend成日去玩嘅~ 咁妳呢~?」

「中學同Zoe佢地玩過兩三次啦,都玩得唔叻~」

「唔緊要啦,一陣教妳~」

「好呀~」



入到保齡球場,首先係去個counter度講打幾多局同比錢。我地打三局、兩條球道。之後就拎鞋換。

我地行咗去球道前嘅凳度換鞋,球道號碼分別係十一同十二號。

「不如我地玩比賽吖,四個人一組,三局加埋鬥高分,輸咗請飲嘢~?」David同大家。

大家都同意。我同Winnie、阿Paul同埋晴晴一組,而另外一組有David、Zoe、阿俊同Jenny。

我地輸入自己個名落部機度,分別顯示為「Joseph」、「Winnie」、「Paul」同埋「Ching」。呢個亦都係我地嘅出場次序。



「Joseph哥,靠你喇!」阿Paul對我講。

第一局正式開始。

第一round嘅第一球係我打先,我拎咗個十磅波去打,分別打中八枝同埋補中兩枝,得分係「8」同「/」。

第一round,Winnie兩球都落咗坑,得0分。阿Paul分別打中六枝同一枝,得7分。晴晴一球落坑、一球打中一枝,得1分。

至於David戈組,佢地個次序係David、Zoe、Jenny同阿俊。第一round,David得8分,Zoe得9分,Jenny得3分,阿俊得8分。

經過第一round,我地全組得18分,David戈組得28分。



唔知個比賽會點發展落去呢?
已有 0 人追稿