《毒L和初戀相識的日子》: 第一百四十五章 完sem

第一百四十五章 完sem

時間亦都過得好快，喺Year 2 Sem 1 嘅last day，梁sir派咗張紙比我地揀下個sem實習嘅地方。

「各位同學，下個學期大家都需要去一間公司實習。咁我會派張紙比你地去填三個志願，總共係有五間公司嘅。填完交比我之後，過兩日會有email通知大家結果。」梁sir對全班講。

公司共有五間，分佈喺灣仔、荃灣、荔枝角、觀塘、同埋粉嶺。

其實間間公司都差唔多，人工都差唔遠。不過我想同熟嘅人做同一間公司，所以我揀咗粉嶺。而阿Paul、晴晴、家怡等人都係揀粉嶺。阿俊同Jenny就揀咗觀塘。阿添、阿明同阿安就揀咗荔枝角。Christy揀咗荃灣。



實習期係2017年一月中至四月中，期間每星期有一日要番I大上堂。

每個人都要成功完成實習先可以畢業，不過只要番足工就冇問題。

「大家填完就交番比我啦。」梁sir對全班講。

我之前已經番過part time嘅工，所以對呢個實習冇乜感覺。相反，未做過嘢嘅晴晴就有啲驚。

幸好，有阿Paul照顧住嘅晴晴，佢已經好快冇事喇。



至於阿俊同Jenny，佢兩個都有番part time，所以都唔洗點適應呢個職場生活。

「好。如果大家冇問題嘅話就可以走。」梁sir對全班講。

「話咗佢唔到最後一刻都唔幫我地搞實習啦~」晴晴講。

「係囉。」阿Paul回應。

「終於完sem喇~」阿俊對我地講。



「不過就快要去做intern呢~」Jenny回應。

「幾好吖，可以賺吓錢。」阿俊回應。

「咁你地sem break有咩搞~？」晴晴問。

「我會番吓part time。」我回應。

「我都係~」Jenny回應。

「我就做住廢青先。」阿俊回應。

「咁不如聖誕節一齊食餐飯吖~？」晴晴問。

「好呀，到時再約~」阿俊回應。



只要順利完成埋個intern同埋淨番戈啲科都冇炒，就可以畢業喇。






話咁快Year 2嘅 sem 1已經完咗喇。