第一百七十五章 冰釋前嫌

「戈日我同Winnie傾電話,佢講咗件事比我知~ 佢話……」Zoe向我講。

Zoe講緊嘢嘅中途被打斷,因為阿俊喺房外拍門。

「喂,你哋做乜匿埋哂喺入面呀?」阿俊喺房外向我哋講。

我打開房門,見倒阿俊滿面笑容,睇嚟佢同Jenny已經冰釋前嫌,分歧同誤會終於解開喇。



「比機會你吖嘛。點呀,你哋搞成點~?」我問阿俊。

「我哋已經冇事喇~ 多謝你哋~」阿俊回應。

「咁熟洗乜客氣吖!」David回應。

我哋隨即行番出客廳,阿俊同Jenny就準備走喇。

「我同阿俊走先喇,下次再約食飯啦~」Jenny向我哋講。



「好呀,拜拜~」Zoe回應。

「拜拜~」Jenny、阿俊回應。

佢哋兩個走咗之後,原本嘅打牌變成得番三個人,亦即係三缺一。

「仲打唔打牌呀?」David問。

「三缺一喎...」Zoe回應。



「咁下次先再打過啦。」David回應。

「好呀。咁我都走先喇,再約過啦,拜拜。」我向佢哋講。

「咁下次見啦,拜拜~」Zoe回應。

識做嘅我當然唔會留喺度做電燈膽,阻住佢哋二人世界啦。

今日阿俊約我哋出嚟打牌,目的都係想我哋對於佢同Jenny鬧交去比啲意見佢。咁啱Jenny打電話嚟,雖然阿俊冇接聽,不過之後都打番比佢。David提議叫埋Jenny上嚟食嘢,都係比緊阿俊機會同佢傾。結果,佢哋終於和好喇。

有人話經歷過鬧交嘅情侶,關係會更加好。希望佢哋經過今次之後,關係會更穩固啦。

喺番屋企嘅路程上,我突然諗起Zoe話收倒少少風係關於Winnie嘅。我冇問番佢就走咗,所以都係下次先問啦。

我番到屋企,時間係夜晚十一點幾。梳洗完,打咗陣機之後就瞓喇。



瞓醒之後到星期日,唔洗番工嘅日子可以瞓到自然醒覺得特別爽。

我望吓個電話,發現晴晴send咗個Whatsapp信息比我。





同佢好似已經有一段時間冇聯絡了。
已有 0 人追稿