有一日，我住左入精神病院: 三、護士姐姐
出乎意料地，好快就有人行左過黎幫我開門。
哇！係著住白色制服嘅護士姐姐啊！佢個樣有八成似張曦雯，眼大大鼻高高咁，護士服下係玲瓏浮凸嘅好身材，唯一可以挑剔嘅就係身高矮左啲（矮我成個頭）不過矮矮地都幾得意。但佢一入黎就黑口黑面，個格同公立醫院個啲護士阿嬋一模一樣。
「妖！你嘈乜撚野啊！嘈住曬其他病人喇！」
哇！明明係一個靚女，竟然如此爛口，巨大嘅反差令我即刻收左聲，唔敢再嗌。頭先因為佢靚女而產生嘅好感全部煙消雲散，我就好似個木偶咁坐喺床邊郁都唔敢郁。
「唉你真係好撚麻煩，而家咪幫你囉，嘈嘈嘈。」佢雖然嘴裡仲好惡咁鬧緊我，但幫我解開約束衣嘅動作卻意外地溫柔，好似怕會整痛我咁。