有一日，我住左入精神病院: 五、巨嬰

「… 」個門把就咁俾我扭開左。

度門開左，我反而唔係好敢出去。會唔會係陷阱黎架？咁容易？莫非係蕎蕎有心俾我出去嘅？

唔理得咁多喇，走左出去先算。

一出到去，我就見到一個圓形嘅物體向緊我衝埋黎。

仆街！真係陷阱黎架喎！





嗰舊圓形嘅物體一野攬埋黎，衝擊力之大令我失平衡坐左落地下。

睇真啲，原來係個肥仔... 唔係，係肥佬。

雖然佢年紀望落已經有廿幾三十，但身上著住唔啱size嘅公仔tee同褲，個肚腩凸曬出黎，褲鏈都拉唔埋，十足個名符其實嘅「巨嬰」。