真人真事 由毒男變賤男嘅人生故事: 03

到左第二日，亦都係出camp嘅日子


我同班同學都熟左好多，特別係同阿雪。


我地玩game嘅時候都多左一份默契


之後嘅活動都進行得好順利，我同阿雪因為係同一組要合力贏game所以都多左好多交流




身體接觸亦唔多唔少都有啲


我地組有我同阿雪帶動氣氛，士氣一直都好好


真係正如阿雪咁講




好似風暴一樣咁贏曬啲遊戲


但係開心嘅時間真係過得好快


兩日一夜嘅Camp都黎到尾聲




話咁快就要返去學校


青春真係不知時日


喺臨走之前好多同學都開始集郵，作為毒毒嘅我當然冇份


所以就匿埋一邊睇住其他人影


但係有一個人冇忘記到我




阿雪攞住部相機跑過黎搵我影相


「你又知道我喺度嘅？」我問


「得你一個唔見左，慢慢搵下咪搵到你囉。」


我亦都再次唔識答佢只係微笑咁回應


「淨你一個未同我影咋！」佢少少激動咁講




「係..係咩..」我再一次口窒窒咁講


喺我講完之前佢已經搭住我膊頭，影左一張相


呢一幅係我地第一張合照亦都係最後一張。​


我對住呢個女仔我唔可以好似對NIcole咁主動


佢嘅熱情係超越我能夠承受嘅程度




我對住佢嘅熱情完全無曬乎


影完之後佢就拉住我隻手去我嗰班度影班相


「搵到阿伯喇！」阿雪我地班啲同學講


我班同學將我拉到去正中間，啲女同學就幫我凌亂嘅頭髮扎左條辮。


「好襯你啊」阿雪笑笑口講




「吓，少少襯啦」


「阿伯你不如以後札瓣返學啦。」啲同學話


「吓！唔好啦，我唔係Gay啊。」


「日日札你就變Gay㗎喇。」啲同學講


一講完成班同學就喺度笑。


當大家仲笑緊，未準備好影嘅時候攝影師就已經影左張相


張上入面嘅我笑容係幾咁尷尬，頭上係有幾多隻牛角 


我地班嘅第一張班相就係咁影左


其實青春就好似影相咁永遠係你未準備好嘅時候就過左去。永遠都不能夠記錄低最好嘅一幕，或者最好嘅一刻都只能喺腦內記實，唔可以用任何方式記錄。


喺大家都好攰，好唔捨得嘅心情下落幕


又返到黎正常返學嘅日子


我地都收拾好心情準備兩個禮拜後嘅測驗


而同阿雪嘅交流亦都好似變返去camp前咁


唯一唔同嘅係返學放學會同對方打招呼


出左camp之後嗰幾日我一直喺同NIcole分享我喺個camp做左啲咩


佢好冷靜咁聽我好興奮咁講camp啲野


當然同阿雪一組夜行我係唔會講比佢聽


就好似我同阿說講野雪


只不過個角色調轉左


正當喺我同NIcole喺Whatsapp 傾得如火如荼嘅時候，阿政突然急Call我


「喂！阿伯，我幫你報左名參加義工活動啊」


「吓！咩9野活動啊！我唔去啊！」我對住其他人係唔會口窒窒


「總之你禮拜六喺地鐵站度等我啦，唔好放飛機啊，飛機王」講完佢即刻Cut我線，唔比機會我拒絕佢


哎，原本仲諗住禮拜六喺屋企攤住同Nicole傾成日電話


冇計啦唔可以放條友仔飛機


阿政永遠就係咁，亂咁黎唔會理人感受，自己想做咩就做咩


而我永遠都係幫佢執手尾嗰個


不過佢最好嘅一點就係有義氣，夠雷氣


好啦，為左制止佢喺義工活動度搞事，唯有去睇下義工活動係咩玩法啦


去到禮拜六