妹控提琴手（甜）: 3.8 剪頭髮×見家長？

–嘉諾視角–

“臨過年就飛次髮啦”也好啊，已經幾個月沒剪頭髮了，頭髮都留到像the GazettE的流鬼般了。

嘛...這髮型除了Natalie知道是流鬼的髮型外，幾乎其他人都說是古惑仔......

「妹～求救啊...」

「做咩啊？」



「我想飛髮，有邊度好介紹...」

對我這懶到半年才剪一次頭髮的人而言，除了家附近的那兩間50元就可以洗剪吹的街坊髮型屋以外，根本沒頭諸。始終對那兩間沒甚麼信心呢 :P

「誒～同你去啦，不過點解想飛髮既？」

「呃......Natalie就生日，Krystal話哥日揾埋我一齊慶祝......」

「嗯嗯，得啦明曬～」



.

妹妹帶我到一家看似“上等”的髮型屋......

「咦？阿妹今日係咪照舊啊？」一個看似年輕、衣著前衞、淺紫色頭髮的女髮型師道。

「今日唔係我啊，係我阿哥」

「嗯～高中生？」髮型師問我。



「...係啊」對生人害羞的我也算是鼓起勇氣了吧。

「依家冇乜學生留長毛啦喔？」

「Err...我懶姐」

「嗯嗯，咁想點剪啊？」

「一個溝死女既頭」我也來不及反應，妹妹已經說出鳥我的心聲！

「咁個女生點架？唔同性格或者嗜好既女生都有唔同架喔」

「呃...點講呢......即係...成績幾好，有少少怕羞，鍾意跳繩、玩Rainbow six，好乖好純既班長」

「誒～個女生咁似我個妹既？」話畢，她便開始剪了。



.

她給我弄了一個挺斯文的七三分界，再染了個深啡色，「同佢出街哥日記得要梳頭，唔好成餅野咁喔～」嘛...

承惠150元！！

「係喔，細佬你係咪叫嘉諾？」誒？？妳究竟是何方神聖，居然知道我是誰？

「係啊」

「以後呢兩個月好剪一次啦～」

剪過頭髮後，我和妹妹便回家了。



.

「係喔，妳有冇頭先個髮型師既卡片？」我問妹妹。

妹妹便從銀包中取出一張卡片，“梓敏Mandy”？！

Natalie不就是叫梓穎嗎？敏、穎。難道...她是Natalie的姐姐？！

–Natalie視角–

「喂，講D野俾妳知丫～」姐放工回來了 :]

「嗯？咩啊？」

「我呢，好似邂逅左妳darling喔」



「係咪好高，留長頭髮，怕怕羞羞架？」

「冇錯，我整到佢個頭勁靚喔，多謝我～」

勁靚？嘿，在我眼中，任何形態的他都是完美的！