[舊版][已停更]從前有個校長，佢禁錮咗全校人: Day 9g 第三個

《李佑年視角》
14：00
「而家咁，仲反唔反口呀？」文柔的聲音傳來，瘋子海琪隨即發出不滿的哼聲。
有人走到我面前，扯下矇眼的布條，解除我們的束縛。脫離黑暗以後，整個人都鬆了一口氣。

不得不說3C班的人都非常聰明，知道我的技能，懂得對症下藥。不過若果法師技能釋放的位置不僅限於雙手，而是可以像雷神一樣全身通電，那全校的人都不是我對手了。當然除了賴明謙他們幾個魔法師以外，找個機會和他們切磋一下。

文柔把鎅刀架在瘋子海琪的喉嚨上，Kyla不知為何也跟在這。我拉起雙眼還在適應光線的阿康，走向文柔她們。
「我最唔鍾意俾人拎刀指住我。」瘋子海琪咬牙切齒地說，充滿瘋狂和狠意的眼睛盯得文柔不禁畏縮一下。





「快啲走啦。」我對她們說。
「想走？無咁易！」瘋子海琪和令我意想不到的文柔同時喊。
瘋子海琪身後冒出啡色的動物影子，文柔把鎅刀劃下去。在刀鋒切至入肉前一刻，文柔做出個像被刺到的動作，在她的脖子留下一道血痕。

「刺蝟。」阿康淡淡地說，她背後啡色的影子正好印證了他的話。
我把雷電蓄在右手，再揮向瘋子海琪，她卻快速地把身子捲縮起來，擋去我的攻擊。文柔的臉佈滿彩繪，處於應戰狀態。瘋子海琪張開雙手，似是想要擁抱文柔，她翻了個跟斗躲過了。

「我一定會幫輝輝報仇㗎……哈哈哈……」瘋子海琪像個討抱抱的小女孩跟着文柔跑。
這個畫面已經夠奇怪了，更奇怪的是3C的其他人都只呆呆地看着事情發生，沒有走避或幫忙的意圖。唯一有表情的，就只有黃若薇，帶着緊張的神情。





本來在逃避追逐的文柔忽然停了下來，低着頭歎了一口氣。然後她轉過身，把鎅刀投向瘋子海琪，正中心臟。後者不敢置信地低頭看了眼血流如注的傷口，接着身子一軟倒了下去，抽搐了幾下之後就不動了。
「嘥晒我啲時間。」文柔輕率地從她身上拔出鎅刀，在校裙上抹兩抹血漬。

黃若薇震驚地來回看着文柔和屍體，欲言又止。
「望咩呀望？」文柔把鎅刀收好以後，斜視着她。
「我……你……」
「你就係第三個時間旅行者！」阿康忽然篤定地說。

他的目光直直看着黃若薇，Kyla和我亦是。
「吓，我…我係呀。」她結巴着，明顯仍未從剛剛的狀態回過神「你殺咗海琪？！」




「嗯？係呀，又如何？」文柔滿不在乎地說，語氣平淡得像是剛剛踩死了隻蟻似的。
不得不說，對比起May，文柔把亞馬遜技能運用得更好，身心合一，完全符合技能描寫的設定。

「佢係我最好嘅朋友！」
「咁好彩你唔同佢一樣咁癲。」Kyla說「我都知你頭先嘅鎮定同霸氣係扮出嚟。」
「佢只係接受唔到現實啫。」黃若薇沮喪地低頭，班上的其他也隨着她一起詭異地垂頭。

「咁樣死對佢嚟講都係種解脫。」阿康說「至少唔使好似Quinn咁癲癲得得。」
「停，唔好再講瘋子海琪，預言帶我嚟到第三個時間旅行者面前，我最好完成佢嘅命令。」
「你哋究竟係咩人？我唔識你哋！」黃若薇紅着眼說。

「我都係時間旅行者，Kyla嘅技能係預言家，佢嘅預言要求我哋去揾晒五個旅行者。如果揾齊晒嘅，可能就係離開學校，返屋企嘅關鍵。」我三言兩語就把情況說清楚，真的不得不佩服自己。
黃若薇聽到我最後一句，充滿希冀地抬起頭看着我，身後的人群亦一同注視我。

「真係嘅？只要齊晒人就可以離開，就係咁簡單？」她問。




「真…真係㗎。」我壓下心底的寒意說。
「但係點解你會有咁嘅諗法？我係話除咗奇奇怪怪，唔太可信嘅預言之外。」她疑惑地問，緊接着又補充一句「無意冒犯。」

看她的樣子已經把郭海琪的死忘得一乾二淨，只專注在逃出學校這個點，這亦是我樂於看見的結果。
「我嘅預言可能係全世界最準嘅嘢……」Kyla嘀咕着。
「因為我哋嘅技能係已知全校唯一一個有人數限制，一定要有五個人先用得。如果呢個技能無關重要嘅，又點會有達成條件呢？」我解釋道，再度佩服於自己的表達能力。

「咁仲等咩？快啲行啦！」黃若薇雀躍地跳起來「越早齊人就越早走得甩，仲等咩呀？」
我和阿康對視了眼，真是意想不到的順利。