二零五零年 – 我女神係暴徒: 第三十七章

意識模模糊糊之間, 我隱約聽到老豆把聲, 佢好似同人講緊野…咦?! 想打開眼都無反應既…
 
「熊SIR…點解你用棍打熊仔呀…兩仔爺有乜唔岩傾到岩丫! 果單野無事嫁喎…! 我會按你講既方法拆惦佢…!」係李叔叔把聲啵…點解佢同老豆一齊既…?!
 
「阿李…你唔明嫁啦…頭先係電光火石之間…我要係一剎那間做出判斷, 難免會重手左少少! 你見佢都無乜事, 我輕手左嫁啦!」
 
「無乜事…? 熊仔個頭包到成隻糉咁啵…! 你頭先打比我果陣…明明都話阿熊仔爆晒缸止唔到血嫁啵…我先即刻幫你叫上總部, 重將原本係隔離街急救緊心臟病既救護隊派左比你先呀!」
 
「唔係咁都同師傅計呱! 心臟病咁小事, 都唔急得去邊啦!」
 


「…熊SIR…最後心臟病發果個人…等唔切下一部救護車黎, 走左啦…! 我聽日重要番去寫報告交代嫁。」
 
「車! 即係反正都救唔番! 你係份報告度寫低…結論而言讓架車比我先係正確判斷, 之後求其了隻龜咪得囉! 你又學到野啦!」
 
唔係呱! 我咁樣咪即係間接害死左個人,老豆你聽到有人因為你死左…你少少內疚感都無嫁咩? 你雙手染紅既鮮血…已經慢慢流到我隻手上面啦…
 
「嗱…阿李, 總之果單野…你就拎果隻曱甴女個細佬去祭旗啦! 乜都瀨晒落隻曱甴女度…個劇本就一於話佢意圖迷惑高級警務人員個仔…經查明屬實原來係由佢細佬指使既…! 之後…我地…就…………」
 
「得啦…! 熊SIR…我…知…點….做…」
 


意識又開始模糊…老豆同李叔叔把聲愈來愈細…老豆講乜野曱甴女個細佬呀…? 你想對迪輝點呀…? 唔…好…呀……
 
一直感覺唔到時間流轉左幾耐…慢慢又漸漸聽到D聲…
 
「啊…哦…啊…哦…好舒服……不要停嘛...」點解…會好似聽到D呻吟聲既喂…! 我係咪上左天堂呀…?
 
「啊…哦…啊…哦…」阿熊呀! 快D打開眼呀!!! 有女呀!!!
 
光線慢慢浸入我雙眼, 一開始所有事物都好模糊, 隱約見到有個人坐係我隔離。影像慢慢開始對焦, 坐係我隔離果個係一個男人…係…係老豆! 佢好似聚精會神睇住手上果部…電話!…而部電話上既畫面…根據我三十年單身既修煉, 我好肯定畫面中既影像...係播緊咸片!
 


老豆唔係呱…你個仔訓左係度…你咁識嘆坐係佢隔離睇咸片…?!