致一個識左兩日就做左我女朋友既你,2017年2月6號 我諗呢個日子我一世都唔唔會忘記
重讀緊中5既我,唔知點解喺學校永遠都係冇咩朋友,中學最興就係玩埋堆小圈子,而我就唔係好鐘意咁樣,可能係因為咁樣令到我冇咩好朋友 最多都係做hi bye friend,所以我喺學校真係冇咩人會同我講野,所以我就一時興起玩下啲交友apps 嗰陣交友apps未算咁hit,玩既人唔算太多 我玩既嗰個同女仔傾計要比點數(每10點數就傾1個鐘)但女仔同我傾又唔洗比喎(屌你說好的男女平等呢)每日只會送10點比你 (真係多撚謝你)傾完之後就要課金 但當時既我撚有錢咩 只係每日送既10點同人傾計 有一次無意中見到有個女仔幾特別,見佢icon唔會好似啲MK港女咁開到個filter白過殭屍咁,又唔會show個波幾大,條事業線幾深,對腳幾長幾幼,只係正正常常揸住杯閪茶咁自拍(後來佢話唔係閪茶),以為有個靚姐姐傾下計啦 點知佢唔覆我 咁就浪費左10點 要第二日先可以再搵過佢 點知訓醒起身見佢覆左我 而我又未夠24小時 未有新既10點 之後有點數就覆返佢 我話 我每日得10點 只可以傾一個鐘 傾完就要等聽日先有得再傾 可唔可以比你電話我 轉用whatsapp 傾 點知佢又真係比佢個電話我
開頭以為佢會比個假電話或者比個大隻佬電話我,諗起到時萬一約出來見面,有個紋身鬍鬚麻甩佬捉住我去後欄通我後欄,即刻打左個冷震(打埋右),我就抱住一個中伏既心態,去Hi左一個(男/女)人,佢又有Halo返我,依加電話號碼就真既,但性別就未知啦,隔左冇耐佢又講多句:你想傾咩?身為毒撚既我,一直覺得邊會有女仔會主動搵人傾計架,個壯漢一定開始瘋狂恥笑緊我,咁我開著我部電腦,玩當時好多人玩既LOL,咁我就一直打,唔經唔覺尾已經打到夜晚,突然發現我重未覆個「壯漢」,我就覆返佢:你冇有野想傾?
已有 0 人追稿