致一個識左我兩日就做左我女朋友既你: 第八章 曖昧 < 5 >

我：我做完啦（當中重要有幾題唔識做，要走去問返佢轉頭，竟然要個低我兩級既人教返我，諗起都覺得醜）
曉：我一早做完啦，等你咋？係啦，你住邊架？
我：做咩咁問？
曉：冇呀 想知你住邊囉～
我：咁你講先啦
曉：乜你咁架 係咪我講左你就講先？
我：係呀 你講完我就講架啦
曉：我住XXX（黨鐵站平面圖最右邊 紫色線）
我：我住XXX（黨鐵站平面圖最左邊 紅色線）
（好慘 香港版LONG D）


同埋佢屋企都幾RICH，住私樓，佢可能窮過連登啲FG 50k啦 但起碼RICH過我屋企先
佢地要自己入樓下密碼同埋有人幫你開門
我住嗰到？密碼咁耐都未轉過 永遠都係用死一個（唔該）
除左新年頭嗰兩三日肯企喺到幫你開下門
其餘時間唔係訓瞓覺就係聽歌打機睇埋啲抖陰
跟住再同佢傾多少少無聊野就同佢一齊瞓左（唔好諗多，雖然我都想）
自從知道左佢住私樓之後，就開始有啲自悲
話曬都咁大差距，你地一定會話比啲自信啦 自己都睇唔起自己 叫人地點樣睇得起你
鬼唔知咩 你估話咁易咩 我毒撚來架咋 毒撚最忌係咩？
叫我有自信，重難過入佢中路


佢係個千金小姐，而我⋯⋯16歲就已經開始做野 唉 不要再說了.jpg



啱啱發現貼相會彈APPS 大家要睇可能要COPY去去GOOGLE（非閃卡）
https://imgur.com/nvlNzSz