[奇幻］回憶博物館: (9)

葉安娜猶疑了好一會最終還是發了咖啡館的地址給林家澄。

娜：你有空嗎？見面講或許更清楚。

澄：我馬上來。

過了大概半個小時，一個年約二十七、八歲，臉上化着精緻妝容，身穿着幹練職業套裝的女人走進咖啡館。葉安娜朝她揮了揮手，認真地看了眼長大了的林家澄。她的臉上再無當年天真呆萌的模樣，清澀的笑容從她的臉上消失。取而待之的是連精緻妝容都無法掩蓋的滄桑和成熟。林家澄依然長得很清麗，但一看就知道，這是一個有故事的女人。

「你同信宇係咩關係？」林家澄一坐下便問，她的神色十分著急。葉安娜抿了一下唇，最後把回憶博物館的事告訴了林家澄。



「我知你會當我係痴線，但係我真係唔係咩私家偵探！我真係只係想搞清楚你同張信宇係咪真實存在嘅人，同埋段回憶係咪真嘅。」葉安娜嘗試用最真誠的目光看着林家澄。

「嗯……我信你。」

葉安娜不可置信地看着林家澄，她本來就沒指望林家澄會相信這種鬼話。

「我都唔知點解，但係我覺得我地有啲connected。可能因為你睇過我嘅回憶啦，感覺上好親切。」

「多謝你。不過其實我約你出黎係有事想問。」



「嗯？係咩事？」

「我睇完你地嘅回憶之後好好奇，你地之後嘅故事。你地…最後有冇一齊？」

林家澄靜了好一會，久到葉安娜有點懷疑自己說錯話了。這時林家澄露出一個苦澀的笑容：

「我對佢嘅感情…真係咁明顯咩？」

葉安娜點點頭，其實她很想說你們兩個都很明顯，但看到林家澄的樣子她還是停住了。難道他們沒在一起？看樣子林家澄不像是幸褔啊，他們到底發生甚麼事了。林家澄緊抓着手中温暖的咖啡杯，沉默了好一會後說：



「我地最後冇一齊到。中學畢業之後我地都入咗唔同嘅大學，我一直都等緊佢開口，我以為我地大家嘅心意都係一樣。但係慢慢咁我都等到好攰。我係到諗，一個真心愛你嘅人點會忍心要你估下估下。所以一時衝動，我同咗我大學嘅其中一個追求者一齊。我仲記得同佢講嘅時候佢仲笑住咁恭喜我，我個下好心酸，我以為佢會吃醋叫我分手之類，點知佢竟然咁平靜。後來我都拍過幾次拖，佢一直都係我身邊，不過係以朋友嘅身份。每一次分手佢都會陪我匿係屋企煲劇食雪糕，陪我喊，大時大節佢又會陪我一齊過。有時我都係到心諗，究竟一直以黎係咪我諗多咗。但係同時間我又好享受同佢一齊嘅每一分每一秒，所以我唔願意去破壞我地嘅關係。我仲記得有一年過年佢陪我去街市買餸，有個阿嬸話［靚女你真係好福氣，老公肯陪你去買餸］。個一刻我真係好開心，因為佢冇否認到，雖然我知道佢係為咗我面子著想，但係我始終相信有一日我地會一齊。

直至兩年前，佢……出車禍。」

葉安娜倒抽一口氣，但也忍不住確認：

「佢依加……」

「信宇佢…係天上面過得好好。」林家澄眼睛微紅地微笑着。

葉安娜想起在「西遊記.仙履奇緣」裡朱茵說的那一句「我猜到了開頭，卻猜不着結局」。