[奇幻］回憶博物館: (10)

「有時候真係好羡慕江植樹。能夠有一個咁全心全意鐘意佢嘅人。」有一天下午朱靜蘿跟阿美在辦公室偷懶，兩人都在看台版的惡作劇之吻。朱靜蘿突然有點感嘆地笑道。

「袁湘琴都幸運啊，可以遇到一個能夠令佢死心塌地嘅人。你以為好易啊？唔係每個人都有拋開尊嚴去愛一個人嘅勇氣，能夠遇到一個令你咁鐘意佢嘅人，真係要好好珍惜。冇理由令未盡全力成為失敗嘅理由㗎。」阿美吃着薯片漫不經心地說。說者無心，聽者有意。朱靜蘿的腦海中浮現了李朗日俊朗的臉龐，這段時間其實她經常想起李朗日，但她自己卻想不透原因。

喜歡嗎？

但她卻不相信一見鐘情。但不喜歡的話，為什麼會經常想起他？


「阿靜，你有心事？」朱靜蘿去探望在老人院的婆婆，從小她就是婆婆一手撫養成人的，感情一直都很好。只是近來朱靜蘿的工作繁忙，婆婆又老了，所以只好安排她入住老人院，但是朱靜蘿還是堅持每個星期有幾天去探望婆婆。



「冇啊，婆婆。」朱靜蘿乖巧地說。

「我由細睇住你大，有咩可能唔知你諗緊啲咩。」婆婆慈祥地拍了拍朱靜蘿的手背說。

「……婆婆，你相唔相信一見鐘情？」朱靜蘿扭擰了一會後别扭地問。

「你公公對我就係一見鐘情。個陣時啊，仲拉住我跳舞，話唔答應佢求婚就唔停低喎。」婆婆笑着說，笑容裡的甜蜜讓朱靜蘿都不禁揚起微笑。她是真的很羡慕上一輩的愛情，純粹又專一。

「我地個個年代，生於亂世；見到個一面就可能唔會再重遇，邊似得你地依加有電話又剩咁幸福。所以如果遇到一個鐘意或者睇順眼就會出手去追，反而冇你地依加啲年輕人咁婆媽。」



朱靜蘿靜靜地聽着，不時點點頭。她也覺得婆婆說得很對，現代人太倚賴科技，總覺得要找一個人很容易，就是這樣才猶豫而錯失了很多機會。

「所以阿靜，如果遇到鐘意嘅人，不妨主動少少，冇壞㗎。最壞嘅打算咪係失去依個人，但係如果你搏一搏可以得到幸福，咁依個冒險都幾化算吖。」婆婆笑眯眯地說，這是朱靜蘿第一次聽她婆婆說關於愛情的事。她又想起之前跟阿美說起「惡作劇之吻」的故事，她之前就在想；這個世界上有太多個江植樹，遇到喜歡的人但只是默默地等待别人接近，被動得很。這個世界上又有多少個袁湘琴，能夠奮不顧身，拋棄自尊去愛一個人。

或許，她該當一回袁湘琴？