如是者,我同Emily嘅關係係兩個月的相處之中,開始慢慢升溫,當時候嘅我經歷咗兩個月同Emily嘅相處,從開始慢慢嘅重視,到宜家兩個月之後,由重視變為有好感。但係,小弟我係一個比較7下7下嘅人。所以我都仲係唔夠膽同Emily有曖昧嘅狀況。
 
話說,到咗11月尾個陣,Emily有日放學個陣問我:副主席啊,你想唔想係學校溫下書啊。我話:雖然話下個月就考試,但係我有陣時要翻體育學院窩,陪唔到你架窩。Emily就話:唔緊要啦,我係學校自己溫書,等你,好唔好啊。我個下心真係好暖,因為自問自己係接近毒L的境地,真係又唔靚仔又7下7下又窮,Emily條件咁好,我又無咩吸引到人,所以,初時我對Emily都係得好感,真係去到後面,先慢慢鼓起勇氣去鐘意佢。遠咗,翻來故事先。我仲嘴賤賤話:你叫到實好架。佢即刻扁嗮嘴:咦,你咁樣架。我見佢扁嗮嘴,即刻話:OK啊,但係如果太夜你要翻去先,知唔知道啊。佢又作狀令轉個頭唔理我,我就去彈佢個鼻。跟住就梗係大家整來整去拉。小息個陣,周文拉咗我出去,同我講:喂,副主席,其實你知唔知道Emily真係中意你架。我話:大炮佬你又吹水炸,你邊到聽到啊,又係劉料啊。周文王條友話:梗係唔係啦,詩文同我講啊,佢話Emily之前同佢講過話,對你有些小心動啊。我話:認真呢,我自問自己真係咩都無。周文就話:去馬啦,保證佢受啊。我話:好,我試下啦。就係宜家開始,我就開始對Emily嘅好感,到最後變成咗中意,至於我地有無一齊,就之後會知道架啦。
 
放學之後,我地兩個等埋周文同埋詩文翻來,跟住一齊放學,今日下晝堂都係X科堂,所以我地四人組就分開咗,我地兩個就繼續係度等周文同詩文翻來一齊放學溫書。等咗五分鐘, 見到佢地兩個一起翻來,我地的覺得無野,但係佢地入課室個下,我同Emily都傻咗,我地兩個見到佢地拖住手仔。我就話:哇,恭喜嗮窩,今晚請吃飯啦。周文就話:梗係,我地有速度架嘛,有人就好慢咯,人地都等緊啦,哎呀。我就話:講完就快小小啦,溫書啦,掛住拍拖。Emily係隔離偷笑。自此,溫書四人組成立
已有 0 人追稿