話咁快,就完咗個聖誕假期啦,1月3號,又要翻學啦。一樣嘅返學時間,又要一大早爬起身返學,係冬天,一大早起身已經係一個非常難嘅動作,加上我屋企又係住係靠山邊,比較荒涼,所以冬天嘅早晨係非常凍。所以,朝早有三個大作戰,起身,擦牙洗面,同埋換校服。第一個對於我黎講,就問題不大嘅,第二個都還可以,但係第三個真係好似打機個陣打大佬啊,你套校服凍冰冰,本身間房又係凍冰冰,真係凍死我啊。自問我的已經係唔係好怕凍嘅人,但係每次冬天到換校服就真係攞命。好,換完校服之後,就出去吃早餐,難得今日老豆係屋企吃早餐,就陪下佢咯,佢成日都唔係屋企,我就話:老豆,你都係一個SSO啦,有無咁忙啊。雖然我老豆係做消防,但係佢係一個好開明嘅人,成日都中意串下我,佢就話:唔洗做,你以為SSO日日坐office,傻下傻下咁,你咁樣以後點做我個位啊。我就反咗下白眼,就講:一定要坐你個位先得,你唔俾我25歲就上SSO入學堂做班主任嘅。佢就話:你話係咪係咯。同老豆吹完水就梗係返學啦。
 
7點10分,早五分鐘到樓下等我個B,巴士站果然係一如以往咁大風,吹到我變傻佬,跟住我吹咗一陣,就見到有一個包到好似粽嘅人行緊過來,Emily今日包到好似粽咁啊。我就笑嗮話:哇,做咩包到好似隻粽咁。跟住佢好似沒訓醒咁樣,扁嗮嘴,又係度抹隻眼:我好眼訓啊,又係度笑我,好凍啊。我就緊係欖實佢,跟住同佢坐巴士返學啦,坐緊巴士個陣,佢個頭就挨係我度訓覺,睇得出佢真係好眼訓。大概坐咗半個鐘車,終於翻到學校,當然啦,就翻到學校附近個陣,我地就無拖手啦,費事又畀老師串9我拉,係咪。我地學校,特別係4樓嘅課室 ,哇真係有陣陰風吹過,凍瓜我。我同Emily翻到課室之後,Emily就話:咦,課室做咩咁凍架,副主席,我好凍啊。我就除低咗間厚衣服,放咗係佢隻腳到。跟住佢挨個人落我到就話:宜家暖嗮。我就話:你暖就OK啦。周文條友就轉個頭過來就話:喂, 你,兩個真係好肉麻啊,學校黎架,stop放閃,OK?我就話:你有本事去幫詩文啊,跟住Emily係隔離偷笑。
已有 0 人追稿