我的她的大家的故事: 第十八章 提點

翻到去體院之後，就梗係畀教練折磨架啦，係架啦，體院就係咁變態架啦，講笑。好，咁完咗水上training之後，就梗係有10K跑步架啦，都係個句，體院就係咁變態架啦。跑緊10K個陣，Patrick就過黎問我：你宜家同個女仔點啊。我就話：枉你係我隊友啊，我同Emily點樣我係IG講咗啦，大佬。跟住Patrick就話：你老闆，你黃生幾神秘就全個香港隊都知道架啦，講野好似山海經咁樣。我就話：屌你，有無咁神秘啊。跟住Patrick就無再理我，自己一支箭跑咗去。之後，就梗係完嗮training，就去沖涼啦，雖然話凍冰冰，但係都係一身汗架啦。沖完涼，本身想搵Patrick同埋其他幾個隊友去沙田吃飯，點鬼知，Patrick個女朋友話同佢吃飯，最後全個更衣室的翻我一個人係度，又係自己一個吃飯啦。
 
跟住我就梗係自己走啦，出到門口我竟然以為Emily會係度等我，跟住我就自己係度嘰嘰喳喳：我先話叫佢早小小翻屋企。跟住，點鬼知，我行出門口幾步左右，我就突然畀對手蒙蔽了我的雙眼，但係我見到隻錶個下，其實我知道係Emily，跟住佢把聲一出，我就知道一定係佢。跟住我就話：張學雯，你唔乖啊你。下一秒，我對眼重現光明，跟住就見到Emily笑笑口講話：黃力恆，你睇下你女朋友幾好人。我望下佢，跟住我就拖住佢隻手，就話：餓沒啊，去大圍吃定想去沙田吃拉麵啊。Emily就話：今日想吃拉麵，行啦，我地去吃拉麵。
 
吃完拉麵啦，跟住佢話想係沙田行陣，我就梗係會陪佢架啦，行緊個陣，佢問我：副主席啊， 你英文溫咗沒啊。如果以前嘅我就梗係彩英文都傻啦，叫我溫英文難過登天。不過，今次我就真係有溫過架，雖然一半都無。我就話：溫咗小小啦。跟住佢都知道我會溫英文係世界奇跡，跟住佢畀咗個笑容我。突然，Emily部電話嚮起鈴聲，跟住就同我講：副主席啊，你等我陣啊。就行開咗去。過左大概五分鐘左右，就見到佢行咗翻黎，跟住同我講：行啦，我地翻去拉。上咗車之後，佢就同我講：你翻去記得要溫書啊，就考試啦。我就話：知道啦，你都係啊，考試個陣就唔好出黎接我拉，我自己搞得掂。跟住佢就話：人地掛住你啊嘛，好啦，見你咁為我著想，我會架啦。跟住大家講下講下就落車啦，我就話：聽日見啦，啊B。佢畀個好甜嘅笑容畀我。