我的她的大家的故事: 第二十七章 日常

快樂不知時日過啊，放完假要翻學啦，就梗係要交功课架啦，小弟我今次就好乖架啦，一早就做嗮功課架啦。好，返學朝早，就一樣係等埋Emily先返學架啦，不過，宜家我就唔係係巴士站等佢啦，我宜家係佢屋企樓下等佢。我照常6點八左右起身，搞掂嗮之後，就慢慢行過去佢屋企樓下。
 
跟住，我係佢屋企樓下等咗10分鐘左右，就見到佢懞下懞下咁樣行緊過黎，我就摸咗下佢個頭， 就問：早晨啊，凍唔凍啊。跟住佢一路欖住我隻左手，一路講：我有小小凍啊。我就話：件褸就準備好啦。跟住佢就話：唔該。就兩個人慢慢行過去巴士站到。
 
翻到學校之後，佢就繼續挨係我度訓覺，班主任就話：學校星期四係全方位學習日，姐係學校旅行，班會唔該今日放學討論下。跟住，周文就轉身講：咦，主席訓咗啊，仲有你，得啦，副主席，你想點搞啊。我就話：屌，年年都係架啦，大家分組，跟住就一係就打邊爐，一係就燒烤架啦，要講都係講完咩，呢個任務就梗係交給你架啦。跟住我見到詩文係度玩緊Emily隻手，跟住Emily就醒咗，就話：唔，邊個搞我啊。跟住佢就見到詩文整醒咗佢，佢地兩個就自己係度玩，我就繼續同周文吹下水。
 
好快就到放學時間，Emily就叫咗班會嘅人，留係班房開會，由於我係內副主席，所以今次我就要同Emily一起搞啦。跟住我就問，活動個度，兩位康樂，你地有無咩提議啊。周文就講：不如，我地玩數字球？？？我就話：呢個係一個唔錯嘅提議，有無其他意見啊。無人出聲。我就話：OK，咁樣，吃野方面就係燒烤，玩個度就玩數字球。Emily就話：OK啦，咁我地聽日同全班講啦，宜家我地散會啦。