跟住我地就慢慢咁行翻落去,行緊落去個陣就問我:副主席啊,你屋企人唔會介意你帶人,特別係女仔啊,你屋企人唔會介意你宜家就拍拖咩。我就話:你都上過我屋企架啦,我阿爸就好開放,我啊媽的唔係點理我架。跟住佢就問我:你屋企知唔知道你宜家拍拖架。我就話:我阿爸知道,不過我阿媽其實應該都知道,不過就無反對。佢就笑笑口話:好啦,我搵次同你一齊上去見下你啊爸啊媽啦。跟住我就話:我屋企齊人個人話你知啦,我啊爸成日都要返工,跟住Emily就點左點頭,我地就繼續慢慢行翻落去。 

去翻燒烤個度之後,我就話,開始玩遊戲啦,大家都吃飽啦,應該差唔多啦。我就話:好啦,各位4B團友,我地開始玩遊戲啦,有請節目主持人,兩位康樂出場。跟住就到康樂表演時間,講完就開始玩遊戲,係啦,今日玩數字球啊,我地有效利用呢個非常大嘅地方玩遊戲。周文好想玩架,但係佢就係康樂所以就無得玩。最後結果就係周文想玩,就叫另外一個康樂自己一個頂著,自己就落黎玩。嘿嘿,佢落黎玩就會畀我針對架啦,最後就係我指揮之下,周文就梗喺輸得最慘架啦,4B團友就追住佢玩架啦,跟住周文佢就應該畀人玩左一個鐘左右。跟住就3點鐘要上車翻學校解散啦。

 翻到學校,就自動解散架啦,我就拖住呢個懶訓豬行去巴士站,行到一半要我咩住佢行 去巴士站,我就話:傻妹,你有無咁眼訓啊。跟住Emily無應我機。我就繼續慢慢行去巴士站。上左巴士之後,Emily就好精神,就話:咦,我地上左巴士啦。跟住笑咪咪望住我,個下我就知道,呢條傻妹懶到死,唔想行就話好眼訓,要我咩。跟住我就話:懶到死啊你,行都唔想行,試但你啦。跟住佢就嘻嘻笑左兩句,就挨住我係度玩手機,翻到屋企樓下,我就送左Emily翻屋企。
已有 0 人追稿