我的她的大家的故事: 第三十三章 準備

第二日翻到學校，跟住周文就擰轉頭叫我：喂，唔好死住，幫幫拖先。我就問：又要我點幫拖啊，煩過鬼。佢就話：我琴晚度左度架啦，去我屋企慶祝，跟住我又問左下Emily，佢話佢可以幫手整生日蛋糕窩。我就話：你唔驚你計劃暴露咩？佢就信心十足話：你條女我信得過，最多到時佢爆左出黎，我搵你算賬，嘿嘿。每當我見到呢個笑容的時候，我就好想打巴佢。跟住我就話：得啦，咁你想買咩禮物啊？跟住佢就話：嗯，呢個我就唔講啦，傻佬。我就話：屌，講呢d。
 
跟住Emily就講：做咩啊，你地兩個講咩啊。我就話：無啊，講緊星期五囉。跟住佢就加入我地話題。佢就話：拿，周文，唔好話本主席唔益你啦，詩文有同我講過，佢想要一對鞋，你曉得做啦。周文跟住就話：哦，鞋，得啦，呢家野交俾我啦。小問題，錢不是問題啊。我就話：你話係咪係囉。
 
到左放學個陣，Emily就同我講：副主席啊，我地去邊間書局好啊，去沙田啊，定出MK好啊。我就話：我今日要翻體院窩，如果要出去，聽日先定你想7點係體院門口等我啊。佢就諗左下，就話：我不如等埋你啊，跟住去吃飯，買禮物俾詩文，跟住我地順便拍下拖。跟住我就攬住佢，就講：你7點係體育門口等我啦，記得保暖啊，知道無？跟住佢就點點頭。
 
7點鐘，我上水，收艇，跟住就同另一個隊友啊俊去沖涼。行緊去更衣室個陣，啊俊同我講：恆啊，陣間一齊吃飯？？？我就話：唔得啊，今日約左人吃飯啊。星期四啦。跟住啊俊就話：又陪女啊，得架啦，明架啦。我就話：今日陪佢出去買禮物啊，我有個friend星期五生日啊，我條女叫埋我出去買野，順便吃飯。跟住啊俊就點左下頭。
 
沖完涼，整好曬啲野，可以出發，我都未行出門口，已經見到有一個著住一件白色運動外套，黑色牛仔褲女仔企左係大門口到。我見到就行左過去，跟住就拖住佢，我就話：行啦，我地搭車過去。去到沙田，我就問佢：主席啊，你想吃咩啊？佢諗左下，就話：不如我哋吃拉麵啊，我帶你去吃啊。我就話：好啊，我地行啦。
 


吃完野之後，我就問Emily：去邊度買本書啊？去商務定其他書局啊。佢就話：我哋去左商務先啦，商務應該會有掛。我地行到去商務之後，就去左文學書籍個邊，跟住我就聽到Emily話：我搵到啦。我就見到佢揸住一本叫中國山水畫的文化呢本書，我就同佢講：搵到我地就行啦。俾完錢之後，我地就行左沙田一陣，跟住就搭車返屋企，坐緊車個陣。我就同佢講，：主席啊，本書放係你到，定放係我到。佢就望左下我，摸左下我額頭，就講：你無發燒啊，我哋住隔離炸，放係邊個度都無所謂啦，就放係我到啦，費事你又唔記得左啊。我就話：好啦，放係你到啦。跟住我哋就落左車，我就送左佢翻屋企啦。